حافظ نعیم الرحمان کا کہنا تھا کہ ایسی جماعت جو وفاقی حیثیت رکھتی ہے پاکستان کو جوڑ سکتی ہے وہ جماعت اسلامی ہے، دشمن لگا ہوا ہے ملک میں افراتفری ہو، جماعت اسلامی کو جب اختیار ملتا ہے تو دیانتداری سے کام کرتے ہیں، ہمیں اپنی ذات کے لیے کچھ نہیں چاہیے۔
انہوں نے کہا کہ نوجوانوں سے کہتا ہوں مایوس نہ ہوں، یہ نظام حکمرانوں اور مختلف افراد کی بالادستی کو قائم کرتا ہے، ظلم کے خاتمے، عدل کے قیام اور طبقاتی نظام سے چھٹکارا پانے کے لیے ہمارے دست و بازو بنیں، مایوس ہو کر گھر بیٹھنا مسائل کا حل نہیں، ایسے کچھ حاصل نہیں ہوگا، جدوجہد کا آغاز ہوچکا ہے۔
ان کا کہنا تھا کہ قیام پاکستان سے لے کر آج تک جماعت اسلامی میدان میں کھڑی ہے، حالات اس قدر سنگینی اختیار کرچکے ہیں کہ تعلیمی ادارے منشیات کے اڈے بن چکے، بجلی کے بل بم بن چکے ہیں، صحت، تعلیم مہنگی جبکہ روزگار کے مسائل بڑھ رہے ہیں، واحد جماعت اسلامی ہے جو عوام کی نمائندگی کر رہی ہے، بنیادی حقوق کی بات کرتی ہے۔
