تفصیلات کے مطابق وزیراعظم شہباز شریف پاسکو میں کرپشن کے خلاف ڈٹ گئے اور تحقیقات ڈی جی ایف آئی اے کے حوالے کر دیں۔

دستاویز میں کہا گیا کہ گزشتہ 2 سال سے وزیر اعظم انسپکشن کمیشن کے ساتھ بیورو کریسی کا عدم تعاون، وزیراعظم شہباز شریف نے پاسکو میں کرپشن کی انکوائریز ایک ہفتے مکمل کرنے کی ہدایت کر دی، سابق ایم ڈی پاسکو کیپٹن ریٹائرڈ سعید کے خلاف انکوائری ایک ہفتے میں مکمل کی جائے۔

دستاویز کے مطابق وزیر اعظم نے ہدایت کی کہ پاسکو میں گندم اسکینڈل کی تحقیقات ڈی جی ایف آئی اے سے کرائیں، وزیراعظم انسپکشن کمیشن کو ابتدائی انکوائری میں گمراہ کن معلومات فراہم کی گئیں، سابق ایم ڈی پاسکو کو ریٹائرڈ افسر ظاہر کیا گیا، سابق ایم ڈی پاسکو کیپٹن (ر) سعید مسابقی کمیشن کے ممبر ہیں، جسے چھپایا گیا۔

وزیراعظم کا موقف ہے کہ سال 2022 کے سیلاب میں گندم کے ذخائر کو نقصان پہنچانے والے کسی رعایت کے مستحق نہیں، سال 2022 کے سیلاب میں گندم کے ذخائر کو نقصان پہنچانے والے تمام افسران کے خلاف کارروائیاں کی جائیں، سال 2022 کے سیلاب میں گندم کی چوری  کی انکوائری رپورٹ دو ہفتوں میں پیش کی جائے۔

دستاویز کے مطابق وزارت غذائی تحفظ اور خزانہ، پاسکو کے تمام امور آؤٹ سورس کرنے پر جامع رپورٹ پیش کرے، پاسکو  میں  سرکاری سبسڈی کے مکمل اثرات عوام تک کیوں نہیں پہنچے، تحقیق کی جائے، پاسکو کے انتظامی اخراجات پر مفصل رپورٹ تیار کی جائے گی۔

پاسکو پر بنکوں کے واجبات اور ان پر سود کی رقم  کی تحقیقات کی جائیں گے، پاسکو میں کرپشن میں ملوث افسران کے خلاف ایف آئی اے اور نیب میں ریفرنس دائر کیے جائیں گے، سال 2022 کے سیلاب میں 34 ہزار ٹن گندم کا ذخیرہ کہاں گیا، مکمل انکوائری کی جائے گی، پاسکو کے نئے اسکینڈل میں 3.4 ارب روپے کی گندم غائب ہے۔