پیٹرولیم مصنوعات کی قیمتوں میں کمی کا اعلان

June, 15 2024

اسلام آباد:(سنونیوز)بڑی عید سے قبل عوام کے لیے بڑی عیدی،غیر معمولی طور پر 15 اور 16 تاریخ سے قبل ہی پیٹرول کی قیمتوں میں کمی کااعلان کردیا گیا۔

وزیراعظم آفس کے مطابق پٹرول کی قیمت میں 10 روپے 20 پیسے فی لیٹر اور ڈیزل کی قیمت میں 2 روپے 33 پیسے فی لیٹر کمی کردی گئی۔

یکم جون کو حکومت نے پیٹرول کی قیمت میں 4 روپے 74 پیسے کمی کی تھی۔

قبل ازیں وزیراعظم شہبازشریف نے صنعت اور برآمدات میں بڑے اضافے کیلئے تاریخی اقدام کیا اور صنعتوں کیلئے بجلی کی قیمت میں 10روپے69 پیسے فی یونٹ کی کمی کردی۔

صنعت اور برآمدات کے شعبے کیلئے بجلی کی قیمت 34 روپے 99 پیسے فی یونٹ مقرر کی گئی ہے۔