پاکستان ریلوےکےکرایوں میں50 فیصد تک کمی
May, 24 2024
اسلام آباد:(رپورٹ، روبینہ کوثر) پاکستان ریلوے کی جانب سے کرایوں میں پچاس فیصد تک کمی کر دی گئی ہے۔
اکانومی کلا س کے مسافر وں کو پچاس فیصد جبکہ اے سی کلا س میں چالیس فیصد تک ریلیف دیا گیاہے ۔ شہریوں نے بھی حکومتی اقدام پر خوشی کا ا ظہا رکیاہے۔
تفصیل کے مطابق پیٹرولیم مصنوعات کی قیمتوں میں کمی کے اثرات کی وجہ سے عوام کو بڑا ریلیف مل گیا ہے۔ پاکستان ریلوے کی جانب سے کرایوں میں 50 فیصد تک کمی کر دی ہے۔
شہریوں نے پاکستان ریلوے کے اس اقدام کا خیر مقدم کیا ہے۔ نوٹیفکیشن کے مطابق 1 سے 200 کلومیٹر تک ریل کے کرائے میں 40 سے 50 فیصد تک کی کمی کی گئی ہے ۔
اکانومی کلا س کے مسافر وں کو 50 فیصد جبکہ اے سی کلا س میں 40 فیصد ریلیف دیا گیاہے ۔
ریلوے عام شہریوں کے لیے سفر کا سستاترین ذریعہ ہے تاہم ایندھن کی قیمتوں میں اضافے سے کرایوں میں بھی اضافہ ہوا تھا۔ اعداد و شمارکے مطابق پاکستان میں سالانہ ساڑھے 6 کروڑ مسافر پاکستان ریلوے کے ذریعے سفر کرتے ہیں۔
