فریج میں گوشت رکھنے سے بدبو آگئی؟ چند آسان اور گھریلو ٹوٹکے
June, 27 2024
لاہور:(ویب ڈیسک)بکرا عید کے موقع پر جہاں خواتین فریج میں گوشت جمع کرتی ہیں، وہیں فریج میں عجیب قسم کی بدبو بھی پیدا ہونے لگتی ہے۔ یہ بدبو صرف گوشت کی وجہ سے نہیں ہوتی بلکہ دودھ، دہی، مکھن، یا کسی پھل یا سبزی کے خراب ہو جانے سے بھی ہوسکتی ہے۔ آج ہم آپ کو چند آسان طریقے بتائیں گے جن سے آپ فریج سے بدبو دور کر سکتے ہیں۔
بدبو دور کرنے کے چند نسخے:
1. استعمال شدہ ٹی بیگز:
o استعمال شدہ ٹی بیگز کو خشک کریں اور انہیں فریج کے کسی کونے میں رکھ دیں۔ یہ بدبو کو جذب کر لیتے ہیں۔
2. لیموں اور لونگ:
o ایک بڑے لیموں کے دو ٹکڑے کریں اور ان میں لونگ لگا کر فریج میں رکھ دیں۔ یہ ترکیب فریج کی بدبو دور کرنے میں مددگار ہوتی ہے۔
3. بیکنگ سوڈا:
o بیکنگ سوڈا کو فریج میں رکھنے یا سبزی کے ڈبے میں رکھ دینے سے کسی بھی قسم کی بدبو نہیں آتی۔
4. لیموں کے سلائس:
o لیموں کے گول سلائس کاٹ کر ایک پلیٹ یا پیالے میں ڈال کر فریج میں رکھ دیں۔ اس سے بدبو ختم ہو جائے گی۔
5. سرکہ اور بیکنگ سوڈا اسپرے:
o ایک کپ سرکہ میں ایک چمچ بیکنگ سوڈا شامل کریں۔ اسے اسپرے بوتل کی مدد سے فریج کے اندر چاروں طرف اسپرے کریں اور آدھا گھنٹہ چھوڑ دیں۔ اس کے بعد صاف کپڑے سے اچھی طرح پونچھ لیں۔ اس سے فریج کی بدبو مکمل طور پر دور ہو جائے گی۔
یہ گھریلو نسخے نہ صرف آسان ہیں بلکہ موثر بھی ہیں۔ ان کو آزما کر آپ اپنے فریج کو صاف اور بدبو سے پاک رکھ سکتے ہیں۔
