بدہضمی سے پریشان ہیں؟ کچن میں موجود یہ چیز آپ کے کام آ سکتی ہے
June, 20 2024
لاہور:(ویب ڈیسک) عید کے موقع پر بار بار بدہضمی اور معدے میں گیس کی تکلیف سے نجات پانے کے لئے ادرک کا استعمال کریں۔
طبی ماہرین کے مطابق، ادرک بدہضمی کے علاج کے لئے ایک بہترین گھریلو نسخہ ہے۔ ادرک معدے کی ہاضمے کی صلاحیت کو بڑھاتا ہے اور مختلف غذاؤں میں موجود پروٹین کو ہضم کرنے میں مددگار ہوتا ہے۔ اس کے علاوہ، ادرک معدے کو السر سے بھی محفوظ رکھتا ہے۔
ادرک معدے میں بننے والی گیس کو کم کرنے کے لئے ایک قدرتی علاج ہے اور پیٹ کے اپھارے کو بھی کم کرتا ہے۔ ادرک میں موجود اینٹی اوکسیڈینٹ معدے کی سوزش کو کم کرنے کے ساتھ ساتھ کینسر کے خطرے کو بھی کم کرتے ہیں۔ ادرک کے مرکبات الرجک ردعمل کے علاج میں بھی مفید ہیں۔
بدہضمی کے قدرتی علاج کے لئے ہم آپ کو تین آسان تراکیب بتا رہے ہیں:
1. ادرک کا رس:
o ادرک کو دھونے کے بعد چھیل کر اس کا رس نکال لیں۔
o ایک کپ میں یہ رس ڈالیں اور دن میں ایک بار ضرور پئیں۔
2. ادرک چبانا:
o تازہ ادرک کو چھوٹے چھوٹے ٹکڑوں میں کاٹ لیں۔
o ان ٹکڑوں کو منہ میں ڈال کر چبائیں، لیکن خیال رکھیں کہ معدے میں صرف رس جائے۔
3. متلی اور بدہضمی کے لئے:
o تازہ ادرک کو چھوٹے حصوں میں کاٹ کر ان پر نمک چھڑک لیں۔
o ان ٹکڑوں کو منہ میں ڈال کر چبائیں، تاکہ معدے میں صرف رس جائے۔
ادرک کا باقاعدہ استعمال بدہضمی اور معدے کی گیس کی شکایت کو دور کرنے میں مددگار ثابت ہو سکتا ہے۔ اس کے علاوہ، یہ آپ کے مجموعی صحت کے لئے بھی مفید ہے۔
