تفصیلات کے مطابق واقعہ کمیٹی چوک کے قریب پیش آیا، جہاں ملزم نے عوامی سڑک پر ٹریفک قوانین کی سنگین خلاف ورزی کرتے ہوئے اپنی اور دیگر شہریوں کی جان خطرے میں ڈالی۔ ویڈیو منظرِ عام پر آنے کے بعد ٹریفک حکام نے فوری نوٹس لیا۔
یہ بھی پڑھیں: بالی ووڈ کے لیجنڈ دھرمیندر انتقال کر گئے
اس واقعے پر چیف ٹریفک آفیسر فرحان اسلم نے سخت ایکشن لیتے ہوئے کارروائی کی ہدایت جاری کی۔ ہدایت پر راجہ خرم کی سربراہی میں پولیس نے ملزم کو گرفتار کر لیا، جبکہ اس کی جیپ بھی تحویل میں لے لی گئی۔
راولپنڈی میں مری روڈ پر بغیر ڈرائیور جیپ چلانے کی ویڈیو بنانے والا ٹک ٹاکر گرفتار کر لیا گیا۔ ملزم نے کمیٹی چوک کے قریب چلتی جیپ سے اتر کر ساتھ چلتے ہوئے ویڈیو بنائی جو ٹک ٹاک پر وائرل ہوئی۔ واقعے کا نوٹس لیتے ہوئے سی ٹی او فرحان اسلم کی ہدایت پر ڈی ایس پی راجہ خرم نے ملزم کو… pic.twitter.com/6evIm2YiEW
— Mehwish Qamas Khan (@MehwishQamas) January 31, 2026
چیف ٹریفک آفیسر فرحان اسلم کے مطابق گرفتار ملزم کے خلاف مقدمہ درج کیا جا رہا ہے، کیونکہ اس اقدام سے نہ صرف ٹریفک قوانین کی خلاف ورزی ہوئی بلکہ عوامی تحفظ کو بھی شدید خطرہ لاحق ہوا۔ انہوں نے واضح کیا کہ سوشل میڈیا پر شہرت کے لیے اس قسم کے خطرناک اسٹنٹس کسی صورت برداشت نہیں کیے جائیں گے۔
ٹریفک پولیس نے شہریوں سے اپیل کی ہے کہ وہ سوشل میڈیا کے لیے جان لیوا حرکات سے گریز کریں اور قوانین کی پابندی کریں، کیونکہ ایسی کارروائیوں پر قانون کے مطابق سخت کارروائی عمل میں لائی جائے گی۔
