اداکار عمران اشرف نے اپنے پیغام میں کہا کہ پوری دنیا کے سامنے پاکستان، افواج پاکستان اور عوام سرخرو ہو گئی، آپریشن بُنْيَانٌ مَّرْصُوْص چند گھنٹوں میں ہی کامیاب ہو گیا، عوام نے افواجِ پاکستان کے شانہ بشانہ کھڑے ہو کر ثابت کر دیا کہ پرحملے کا بھرپور جواب دیا جائے گا۔

عمران خان اشرف کا مزید کہنا تھا کہ افواجِ پاکستان نے ثابت کر دیا ہم پر حملہ کرنے والی ہر طاقت کا وہی انجام ہوگا جو بھارت کا ہوا۔

اداکار یاسر نواز نے افواج پاکستان کو خراج تحسین پیش کرتے ہوئے کہا کہ افواجِ پاکستان نے بھارت کو کرارا جواب دے کر ایسا سبق سکھایا ہے کہ وہ ہمیشہ یاد رکھےگا، افواجِ پاکستان کی بے مثال بہادری کو سلام، پاکستان زندہ باد، افواجِ پاکستان پائِندہ باد۔

معرو اداکار و میزبان احسن خان نے کہا کہ افواجِ پاکستان نےدنیا بھر میں پاکستان اور عوام کا نام بلند کیا، ہمیشہ یہ سنتے آئے ہیں کہ قوم کا دفاع مضبوط ہاتھوں میں ہے اور الحمدللہ آج یہ بات ثابت ہوگئی۔

اداکارہ مایا علی کا کہنا تھا کہ پاک فوج کے جوانوں کی ہمت کو سلام، افواج پاکستان نے دشمن کا ڈٹ کر مقابلہ کیا اور دفاع وطن کو یقینی بنایا، 10 مئی 2025 کو ہمیشہ یاد رکھا جائے گا۔

اداکارہ منال خان نے اپنی ایک پوسٹ میں افواج پاکستان کو خراج تحسین پیش کرتے ہوئے لکھا کہ افواج پاکستان ہمارا فخر ہیں، پاکستانی قوم اور بہادر افواج بھارتی جارحیت کے خلاف ڈٹ کر کھڑے ہیں۔

اداکارہ درفشاں سلیم کا کہنا تھا کہ بھارت مسلسل امن کو سبوتاژ کر کے جارحیت کا ارتکاب کررہا ہے، رات گئے پاکستانی شہروں پر حملے کر کے عام شہریوں کو شہید کررہا ہے جو قابل مذمت ہے۔