لاہور میں مقیم مشہور پاکستانی یوٹیوبر رجب بٹ کو حال ہی میں اپنے پرفیوم ”295“ کے نام کے باعث شدید عوامی ردعمل کا سامنا کرنا پڑا۔ پرفیوم کا نام پاکستانی تعزیرات کی دفعہ 295 سے متعلق تھا، جو مذہب کی توہین کے قوانین کا حوالہ دیتا ہے۔

رجب بٹ نے اس تنازعہ پر معذرت کی ویڈیو شیئر کرتے ہوئے وضاحت پیش کی۔ تاہم، اس دوران ان کے ساتھی یوٹیوبر ڈکی نے رجب بٹ کی حمایت کی اور ان کے خلاف لگائے گئے الزامات کو بے بنیاد قرار دیا۔

 

 

 

 

View this post on Instagram

 

 

 

 

 

 

 

 

 

 

 

A post shared by Socialdicted (@socialdicted01)

 ڈکی نے کہا کہ رجب بٹ نے اسلام کے خلاف کچھ نہیں کہا اور ان پر جھوٹے الزامات لگائے جا رہے ہیں، ایسے لوگ جو اس طرح کے الزامات لگاتے ہیں، وہ خود نماز بھی نہیں پڑھتے ہیں، یہ ”جعلی اسلامی کارڈ“ محض ایک ڈرامہ ہے، کیونکہ اسلام میں کہیں بھی جارحیت پسندی کی جگہ نہیں ہے اور ہمارا دین ہمیشہ شائستگی اور احترام کا درس دیتا ہے۔

انہوں نے کہا کہ ”اللہ نہ کرے کہ آپ کو پاکستان چھوڑنا پڑے یا اپنے ہی ملک میں خوف کے عالم میں زندگی گزارنی پڑے۔ اللہ آپ کو اس مشکل سے نکالے اور اپنے حفظ و امان میں رکھے۔“