ان کی شادی کی تقریب میں دوستوں اور مشہور شخصیات نے دل کھول کر حصہ لیا اور خوب پیسے لٹائے، جس کی ویڈیوز وائرل ہوچکی ہیں۔

 

 

شادی کے بعد رجب بٹ نے اپنے یوٹیوب چینل پر ایک وی لاگ اپلوڈ کیا، جس میں انہوں نے شادی کے دوران ملنے والے قیمتی تحائف اور سلامیوں کی تفصیلات بتائیں۔ وی لاگ میں دکھائے گئے تحائف نے ان کے مداحوں کو حیرت میں ڈال دیا، جن میں ایک شیر کا بچہ اور ایک رائفل بھی شامل تھی۔ ان تحائف کی وجہ سے انہیں پولیس کارروائی کا سامنا کرنا پڑا اور وہ ضمانت پر رہا ہوئے۔

 

 

رجب بٹ کو شادی پر ملنے والے مہنگے تحائف میں مکمل عمرہ پیکج، 24 کیرٹ گولڈ پلیٹڈ آئی فون 16، سونے کے زیورات، ڈالرز سے بھرا گلدستہ، مشہور انٹرنیشنل برانڈز کے پرفیومز، اور قیمتی گھڑیاں شامل ہیں۔ ان تحائف کی ویڈیوز نے یوٹیوب پر شائقین کی توجہ حاصل کی۔

 

 

اپنے وی لاگ میں رجب بٹ نے سلامی دینے والے مشہور یوٹیوبرز اور ٹک ٹاکرز کے نام لیے۔ ندیم مبارک نے 20 لاکھ روپے کا چیک دیا، جو سب سے بڑی سلامی تھی۔ کنول آفتاب اور ذوالقرنین اسکندر نے ڈالرز سے بھرا گلدستہ پیش کیا، جبکہ دیگر سلامی دینے والوں میں ڈکی بھائی، عروب جتوئی، اقرا کنول، اور زرناب خان شامل تھے۔

 

 

رجب بٹ کو گورنر سندھ کامران خان ٹیسوری اور ان کے بیٹے کی جانب سے 3 لاکھ روپے سلامی دی گئی۔ ان تحائف اور سلامیوں نے ان کی شادی کو مزید یادگار بنا دیا۔

 

 

رجب بٹ نے 2024 ء میں پاکستان کے ٹاپ ٹرینڈنگ ویڈیوز والے یوٹیوبر ہونے کا اعزاز حاصل کیا۔ ان کے یوٹیوب چینل پر 4.7 ملین سبسکرائبرز ہیں، جبکہ انسٹاگرام پر انہیں 11 لاکھ افراد فالو کرتے ہیں۔ ان کی حالیہ شادی نے ان کی مقبولیت میں مزید اضافہ کردیا ہے۔