البم کی لانچنگ تقریب اسلام آباد میں منعقد ہوئی،جس میں انڈسٹری کے متعدد لوگوں نے شرکت کی اور عزیر جسوال کو خراج تحسین پیش کیا۔

عزیر جسوال کے مداحوں کیلئے یہ البم ایک خاص تحفہ ہے،جس میں شامل گانوں نے لانچ کے پہلے دن ہی مداحوں میں کافی مقبولیت حاصل کر لی ہے۔

واضح رہے کہ البم میں دل کی کہانی،فرصت، ابھی جارہے ہو،تو ہے تو،بے قرار، اور اڈ جانا جیسے گانے شامل ہیں۔

ان گانوں کو عزیرجسوال نے اپنی منفرد آواز اور دھنوں سے سجا کر مداحوں کے سامنے پیش کیا ہے۔

اس البم کی خاص بات یہ ہے کہ ایک گانے تو ہے تو،میں انہوں نے اپنے والد کو خراج تحسین پیش کیا ہے۔گلوکار کے اس انداز نے مداحوں کے دلوں کو چھو لیا ہے۔

عزیر کی یہ نئی البم سپوٹیفائی سمیت دیگر سٹریمنگ پلیٹ فارمز پر دستیاب ہے،جہاں مداح ان گانوں سے لطف اندوز ہو سکتے ہیں۔

اس موقع پر عزیر جسوال کا کہنا تھا کہ انہوں نے اس البم میں اپنے دل کی کہانیوں کو بیان کیا ہے،وہ پر امید ہیں کہ ان کے مداح ان گانوں کو ضرور پسند کریں گے۔