رنگوں اورروشنیوں سے سجی سنوری آئیفا ایوارڈز تقریب میں فلمی ستاروں نے یادگار پرفارمنسزبھی پیش کیں، جن میں شاہد کپور،وکی کوشل اور کرتی سینن کے رقص کو سب سے زیادہ سراہا گیا۔
رنبیر کپور کی فلم "اینیمل"نے بہترین فلم کے ایوارڈ کے ساتھ ساتھ سیگر 6 بڑے ایوارڈز بھی اپنے نام کیے،جبکہ شاہ رخ خان اور رانی مکھرجی نے بالترتیب "جوان" اور"مسز چیٹرجی ورسز ناروی" کیلئے بہترین اداکار اور اداکارہ کے ایوارڈ وصول کیے۔
ہدایت کاری کی کیٹیگری میں ودھو ونود چوپڑا کو "12th Fail" کیلئے بہترین ہدایت کار کے ایوارڈ سے نوازا گیا،خصوصی ایوارڈز میں ہیمامالنی کو بھارتی سنیما میں شاندار خدمات دینے پر آؤٹ اسٹینڈنگ اچیومنٹ اِن انڈین سینما ایوارڈ دیا گیا،جبکہ عالیہ اگنی ہوتری نے سال کی بہترین نووارد اداکارہ کا اعزاز اپنے نام کیا۔
بہترین معاون اداکارکے ایوارڈ پر انیل کپورنے فلم "اینیمل"،بہترین معاون اداکارہ کے ایوارڈ پر شبانہ اعظمی نے"راکی اور رانی کی پریم کہانی" پر قبضہ جما لیا۔
بوبی دیول نے فلم "اینیمل" پربہترین منفی کردارنبھانے پر ایوارڈاپنے نام کیا،فلم "اینیمل"کوہی بہترین میوزک ڈائریکشن کاایوارڈ بھی دیاگیا، بھوپندر ببل فلم "اینیمل" کے گانوں پربہترین گلوکار(مرد)اورشلپارائوبہترین گلوکارہ قرارپائیں۔
