نئی فلم کا انتظار نہ فلم بینوں کی قطار، سینما گھروں کی چمک دمک وقت کی دھول میں گم ہوگئی، لاہور میں ایبٹ روڈ پر موجود بیشتر سینما گھروں پر چھایا سناٹا، پاکستان فلم انڈسٹری کے زوال کی داستان بیان کررہا ہے۔ فلم ڈسٹری بیوٹرز اس کی وجہ سینما مالکان کے غلط فیصلوں اور فلم انڈسٹری میں ترقی نہ ہونے کو قرار دیتے ہیں۔

سینیئر اداکاروں کی رائے میں سینما گھروں کی بدحالی اور زوال کی بڑی وجہ نئی فلمیں نہ بننا اور متعلقہ شعبے کی عدم دلچسپی ہے۔ سینما گھروں کے مالکان ان بڑی بڑی عمارات کو بیچنے پر مجبور ہیں یا پھر کسی اور کاروبار سے منسلک ہوچکے ہیں۔

پاکستان میں 1100 سے زائد سینما گھر تھے۔ جہاں فلم بینوں کا رش ہر وقت رہتا تھا لیکن اب یہ صنعت تیزی سے سکڑتی جارہی ہے۔