ملک میں ایک ہی دن میں سونے کی فی تولہ قیمت میں 14 ہزار 100 روپے کا اضافہ ہو گیا جس کے بعد قیمت 4 لاکھ 56 ہزار 900 روپے کی بلند ترین سطح کو چھو گئی ہے۔ دس گرام سونے کے نرخ میں بھی تاریخی اضافہ ہوا ہے دس گرام سونے کی قیمت 12ہزار89 روپے بڑھے سے 3 لاکھ 91 ہزار 718 روپے ہوگئی۔

یہ بھی پڑھیں: پشاور، 40,000 پرائز بانڈ کے خوش نصیبوں کا اعلان

عالمی مارکیٹ میں بھی سونے کے نرخ بلند ترین سطح پر پہنچ گئے، عالمی مارکیٹ میں سونے کے نرخ میں 141 ڈالرکا اضافہ ہوا ہے جس کے بعد فی اونس قیمت 4 ہزار 358 ڈالر پر پہنچ گئی۔ سونا نہ صرف پاکستان میں بلکہ عالمی سطح پر بھی مہنگا ہو گیا۔ پاکستان سونے کی قیمت عام آدمی کی قوت خرید سے باہر ہو گئی، عام آدمی کے لئے سونا خریدنا انتہائی مشکل ہو گیا۔
معاشی ماہرین کا کہنا ہے کہ رواں سال قیمت میں 57 فیصد سے زائد اضافہ ہو چکا ہے، ماہرین نے مرکزی بینکوں کی بڑی خریداری، گولڈ ایکسچینج فنڈز کی مانگ میں اضافے، کمزور ڈالر اور عالمی تجارتی و جغرافیائی کشیدگی کو سونا مہنگا ہونے کی بڑی وجہ قرار دیا ہے۔
عالمی مارکیٹ میں سونے کے نرخ بلند ترین سطح کو چھو گئے ہیں، فی اونس سونا 4358 کی سطح پر پہنچ چکا ہے،ماہرین کا کہنا ہے کہ سرمایہ کار موجودہ کشیدہ حالات میں سونا خرید کر اپنے پیسے کو محفوظ رکھنا چاہتے ہیں۔