انعامی بانڈز حکومتِ پاکستان کی جانب سے متعارف کرایا گیا ایک بلا سود سرمایہ کاری اسکیم ہے، جو شہریوں کو محفوظ سرمایہ کاری کے ساتھ ساتھ بھاری انعامی رقم جیتنے کا موقع فراہم کرتی ہے۔ یہ اسکیم اسلامی مالیاتی اصولوں کے مطابق ترتیب دی گئی ہے اور کم خطرے کے باعث عوام میں خاصی مقبول ہے۔ اس کے ذریعے عوام نہ صرف محفوظ سرمایہ کاری کرتے ہیں بلکہ قومی مالیاتی نظام میں اپنا کردار بھی ادا کرتے ہیں۔
انعامی بانڈز اسکیم کو اسٹیٹ بینک آف پاکستان (SBP) اور نیشنل سیونگز آرگنائزیشن (NSO) مشترکہ طور پر منظم کرتے ہیں۔ اس اقدام کا مقصد مالی شمولیت کو فروغ دینا، عوام کو باقاعدہ بینکنگ نظام سے منسلک کرنا اور حکومت کے مالیاتی ذخائر کو مستحکم بنانا ہے۔

یہ بھی پڑھیں: سونے کی قیمت میں ہزاروں روپے اضافہ، نرخ نئی بلند ی کو چھو گئے

نیشنل سیونگز سینٹر کی جانب سے 750 روپے والے انعامی بانڈ کی قرعہ اندازی کے نتائج کے مطابق، پہلا انعام 15 لاکھ روپے کا خوش نصیب فاتح ایک شخص قرار پایا ہے، جبکہ دوسرا انعام 5،00،000 روپے فی کس تین کامیاب امیدواروں کے حصے میں آیا ہے۔ مکمل فہرست نیشنل سیونگز سینٹر کے جاری کردہ سرکاری نوٹیفکیشن کے بعد یہاں شائع کی جائے گی۔

پچھلی قرعہ اندازی (جولائی 2025) میں پہلا انعام 953346 نمبر والے بانڈ نے جیتا تھا جبکہ دوسرا انعام 294897، 651248 اور 965105 نمبر والوں کے حصے میں آیا تھا۔
وفاقی حکومت کی نئی ٹیکس پالیسی کے مطابق، فائلرز کو انعامی رقم پر 15 فیصد ودہولڈنگ ٹیکس ادا کرنا ہوگا، جبکہ نان فائلرز کے لیے یہ شرح 30 فیصد مقرر کی گئی ہے۔ یہ پالیسی جولائی 2025 سے نافذالعمل ہے۔
انعامی بانڈز پاکستان میں طویل عرصے سے عوامی سرمایہ کاری کا پسندیدہ ذریعہ رہے ہیں۔ ماہرین کے مطابق، اس اسکیم نے ملکی معیشت کو مستحکم کرنے اور عوام کو مالی طور پر بااختیار بنانے میں اہم کردار ادا کیا ہے۔