آل پاکستان جیمز اینڈ جیولرز ایسوسی ایشن کے مطابق ملکی صرافہ بازاروں میں آج سونے کی فی تولہ قیمت میں 3 ہزار 700 روپے کا اضافہ ہوا جس کے بعد ملکی صرافہ مارکیٹ میں سونے کی فی تولہ قیمت 3 لاکھ 40 ہزار 500 روپے سے بڑھ کر 3 لاکھ 44 ہزار 200 روپے ہو گئی۔

جیولرز ایسوسی ایشن کی جانب سے بتایا گیا کہ ملکی صرافہ بازاروں میں آج دس گرام سونے کی قیمت میں بھی 3 ہزار 173 روپے کا اضافہ ریکارڈ کیا گیا جس کے بعد ملکی صرافہ بازاروں میں 10 گرام سونا 2 لاکھ 95 ہزار 96 روپے میں فروخت ہو رہا ہے ۔

ادھر، فی تولہ چاندی کے دام 82 روپے بڑھ گئے جس بعد ملکی صرافہ مارکیٹ میں فی تولہ چاند کی قیمت 3 ہزار 482 روپے ہو گئی جبکہ 10 گرام چاندی کی قیمت 71 روپے کے اضافے سے 2 ہزار 985 روپے پر پہنچ گئی۔

دوسری جانب عالمی صرافہ مارکیٹ میں بھی سونے کی فی اونس قیمتیں بڑھ گئیں، بین الاقوامی مارکیٹ میں فی اونس سونا 37 ڈالر کے اضافے سے 3 ہزار 258 ڈالر تک جا پہنچا۔

یاد رہے کہ گزشتہ روز سونے کی فی تولہ قیمتوں میں تاریخ کی سب سے بڑی کمی ریکارڈ کی گئی تھی، پہلی بار ایک ہی روز سونے کی تولہ قیمت میں 10 ہزار روپے کی کمی آئی تھی۔