تفصیلات کے مطابق حکومت نے ٹیرف ڈیفرینشل سبسڈی بڑھانے کا فیصلہ کرلیا جس کے لئے وفاقی حکومت نے نیپرا سے رجوع کرلیا۔ وفاقی حکومت کی درخواست پر نیپرا 4 اپریل کو سماعت کرے گی۔ وفاقی حکومت اپریل سے جون تک تین ماہ کیلئے سبسڈی بڑھائے گی۔

ڈسکوز اور کے ای صارفین کو 1 روپے 71 پیسے  فی یونٹ ریلیف ملے گا۔ لائف لائن صارفین کے علاوہ اطلاق تمام صارفین پر ہوگا۔

دوسری جانب بین الاقوامی مالیاتی فنڈ (آئی ایم ایف) نے بجلی ٹیرف میں ایک روپے یونٹ کمی کی اجازت دے دی۔ تمام صارفین کو بجلی کی قیمتوں میں ایک روپے یونٹ ریلیف ملے گا۔

ذرائع کے مطابق یہ ریلیف کیپٹیو پاور پلانٹس پر لیوی سے حاصل ریونیو سے دیا جائے گا۔ کیپٹیو پاور پلانٹس کی جانب سے گیس کے استعمال پر لیوی عائد کی گئی ہے۔ حکومت کی جانب سے بجلی صارفین کیلئے ریلیف پیکیج پر بھی کام جاری ہے۔ آئی ایم ایف کی منظوری سے پیکیج کا اعلان کیا جائے گا۔