سویا بین کی درآمد پر پابندی سے فیڈ مہنگی ہوگئی تھی۔ قانون سازی کے بعد دو سال میں پہلا جہاز کراچی میں پورٹ قاسم پرلنگرانداز ہوا۔ امریکہ سے سویابین کی درآمد کے بعد مرغی کی قیمتوں میں کمی کا امکان ہے، سویابین کی درآمد پر پابندی سے فیڈ مہنگی ہوگئی تھی اور خوراک مہنگی ہونے سے مرغی کی قیمتوں میں مسلسل اضافہ ہوتا رہا۔

اس موقع پر تقریب سے خطاب میں امریکی قونصل جنرل سکاٹ اربوم نے کہا امریکی سویابین پر پابندی سے پاکستان میں مرغی اور انڈے مہنگے ہوئے۔

پاکستان انوائرمنٹ پروٹیکشن ایجنسی کی ڈی جی فرزانہ الطاف کا کہنا تھا کہ جینٹک موڈیفائڈ سویابین کی درآمد کے حوالے پارلیمنٹ نے قانون پاس کیا ہے، جس کے بعد سویا بین کی درآمد کی اجازت دی گئی ہے۔

سولوینٹ ایسوسی ایشن کے چیئرمین شین محمود نے کہا کہ دو سال پاکستان نے منگی ترین سویا بین خریدی ہے جس سے اضافہ قیمتی زرمبادلہ خرچ کرنا پڑا تھا۔ نجی ادارے کے ریجنل ڈائریکٹر کیون رویپ کا کہنا تھا کہ پاکستان میں غذائی قلت ہے جس کی وجہ سے 40 فیصد بچوں کی نشوونما متاثر ہورہی ہے۔