ذرائع کے مطابق وزیراعظم شہباز شریف نے پاور ڈویژن کو بجلی چوری روکنے کیلئے ہدایات جاری کر دیں۔ بجلی چوری کے باعث 600 ارب روپے سالانہ گردشی قرض میں جمع ہوتا ہے۔

پاور ڈویژن نے ڈسکوز سے دو ہفتوں میں بجلی چوری روکنے کیلئے حکمت عملی مانگ لی۔ جون 2025 تک بجلی چوری روکنے کیلئے واضح اہداف مانگے گئے ہیں۔

ذرائع کے مطابق ڈسکوز کو اپنے لائن لاسز کو نییرا کی مقرر کردہ حد کے مطابق کرنا ہوں گے۔ پاور ڈویژن نے اوور بلنگ کو مکمل طور پر ختم کرنے کی ہدایت کر دی۔

ڈسکوز کو تمام فیڈرز پر سمارٹ میٹرز لگانے کا پلان دینا ہوگا۔ ڈسکوز کو عملے کے احتساب کا طریقہ کار بنانے کی بھی ہدایت کی گئی ہے۔ بجلی چوری کیخلاف مہم میں ایک سال کے دوران 100 ارب روپے کی وصولی ہوئی۔