راولپنڈی: (سنو نیوز) راولپنڈی میں ٹی چوک کے قریب ٹرک، وین سے جا ٹکرایا، حادثے میں 5 افراد جاں بحق جبکہ 6 زخمی ہوگئے۔

ریسکیو حکام کے مطابق راولپنڈی کے علاقے ٹی چوک پرانے ٹول پلازہ کے قریب تیز رفتاری کی وجہ سے ٹرک، وین سے جا ٹکرایا۔ حادثے میں 5 افراد زندگی سے ہاتھ دھو بیٹھے جبکہ 6 افراد زخمی ہوئے۔

ریسکیو حکام کا کہنا ہے کہ حادثے میں جاں بحق ہونے والوں میں 4 مرد اور ایک خاتون جبکہ زخمیوں میں 4 خواتین اور 2 مرد شامل ہیں۔ لاشوں اور زخمیوں کو اسپتال منتقل کر دیا گیا۔