شنگھائی:(ویب ڈیسک) ایک چینی خاتون کو اس وقت دھوکہ دہی کے الزام میں گرفتار کیا گیا ہے جب یہ پتہ چلا کہ خاتون ایک ہی وقت میں 16 مختلف کمپنیوں میں ملازمت کر رہی ہے اور اس نے ان کمپنیوں میں ایک دن بھی حاضری نہیں دی بلکہ تین سال تک تنخواہ لیتی رہیں۔ چین کے میڈیا کے مطابق خاتون کا نام (گو ان یو) ہے، یہ خاتون مبینہ طور پر ایک درجن سے زائد اداروں کیساتھ منسلک تھی اور کم از کم تین سالوں سے تنخواہوں کے چیک وصول کر رہی تھی۔ تحقیقات سے یہ بات سامنے آئی ہے کہ گو ان یو خاتون نے 16 کمپنیوں میں سے کسی ایک کمپنی کیلئے بھی کوئی کام نہیں کیا، انکے شوہر بھی جو اس معاملے میں مشتبہ ہیں نے مبینہ طور پر آجروں کا ریکارڈ احتیاط سے رکھا جس میں اہلیہ کی ہر کمپنی میں پوزیشن کام شروع کرنے کی تاریخ اور بینک اکاؤنٹ کی تفصیلات جس میں ماہانہ تنخواہ آتی تھی شامل ہے۔ گو ان یو مسلسل نئے آجروں کی تلاش میں رہتیں تھیں اور جب نوکری کیلئے نئے انٹرویوز کے لیے جاتیں تو ایسی فوٹو کھینچواتیں اور موجودہ آجروں کو اس ثبوت کے طور پر بھیجتی جس سے پتہ چلتا کہ وہ کلائنٹس سے مل رہی ہے۔ تین سالوں تک اتنی کمائی کے بعد گو ان یو نے شنگھائی میں ایک مہنگا اپارٹمنٹ بھی اپنے لیے خریدا لیا تھا۔