19 April 2024

Homeتازہ ترینایکس پلیٹ فارم کا اشتہارات کی آمدنی غزہ کو عطیہ کرنے کا اعلان

ایکس پلیٹ فارم کا اشتہارات کی آمدنی غزہ کو عطیہ کرنے کا اعلان

ایکس پلیٹ فارم کا اشتہارات کی آمدنی غزہ کو عطیہ کرنے کا اعلان

ایکس پلیٹ فارم کا اشتہارات کی آمدنی غزہ کو عطیہ کرنے کا اعلان

کیلیفورنیا:(سنو نیوز) ایلون مسک نے اعلان کیا کہ ایکس پلیٹ فارم اشتہارات اور سبسکرپشنز سے حاصل ہونے والی آمدنی اسرائیل کے ہسپتالوں اور غزہ میں امدادی گروپوں کو دے گا۔

اپنے سوشل میڈیا پلیٹ فارم، ایکس پر ایک حالیہ اعلان میں، ایلون مسک نے کہا کہ ہم نے فیصلہ کیا ہے کہ غزہ تنازع سے وابستہ اپنی تمام اشتہاری آمدنی اسرائیل کے ہسپتالوں اور غزہ میں ریڈ کراس/کریسنٹ کو عطیہ کریں گے۔

خیال رہے کہ غزہ پر اسرائیل کی جنگ کے نتیجے میں اب تک14,000 سے زیادہ ہلاکتیں ہو چکی ہیں۔شمالی غزہ کے ہسپتال اب مکمل طور پر بند ہیں۔ ایندھن کی کمی کی وجہ سے غزہ میں مواصلاتی رابطے بند منقطع ہو چکے ہیں۔

یہ بھی پڑھیں:

ایلون مسک کا غزہ کو سیٹلائٹ کے ذریعے انٹرنیٹ فراہم کرنیکا اعلان

عطیہ کی گئی رقم حماس کے جنگجوئوںکے ہاتھ میں جانے کے امکان کے بارے میں صارفین کی طرف سے اٹھائے گئے خدشات کو دور کرتے ہوئے،ایلون مسک نے کہا کہ کمپنی اس بات کا پتہ لگائے گی کہ فنڈز کیسے خرچ ہو رہے ہیں۔ہم ٹریک کریں گے کہ فنڈز کیسے خرچ ہوتے ہیں اور ریڈ کراس/کریسنٹ کے ذریعے جاتے ہیں۔

ایلون مسک نے مزید کہا، “ہمیں نسل، عقیدہ، مذہب یا کسی بھی چیز سے قطع نظر بے گناہوں کا خیال رکھنا چاہیے۔” خیال رہے کہ پچھلے مہینے، مسک نے انکشاف کیا تھا کہ ان کا سیٹلائٹ نیٹ ورک، سٹار لنک، غزہ میں تسلیم شدہ امدادی تنظیموں کو کنیکٹیویٹی فراہم کرے گا۔ خطے میں مواصلات اور انٹرنیٹ خدمات کے منقطع ہونے کے بعد یہ سپورٹ انتہائی اہم ہو گئی۔

مسک کے اسپیس ایکس کے ذریعہ تیار کردہ اسٹارلنک کا مقصد دور دراز کے علاقوں تک کم لاگت انٹرنیٹ تک رسائی فراہم کرنا ہے اور وہ اپنے میگا نکشتر میں زیادہ سے زیادہ 42,000 سیٹلائٹس کو تعینات کرنے کا ارادہ رکھتا ہے۔

یہ بھی پڑھیں:

ایلون مسک کیلئے برُی خبر، سمپسنز کی انوکھی پیشگوئی

ایڈورٹائزنگ ریونیو کو عطیہ کرنے کا فیصلہ ایکس کی جانب سے یہود دشمن پوسٹس پر تنقید کے بعد کیا گیا ہے۔ اس کے نتیجے میں ایک ہائی پروفائل مشتہروں نےجس میں ڈزنی، پیراماؤنٹ، NBCUniversal، Comcast، Lionsgate، اور Warner Bros شامل ہیں نے ایکس پلیٹ فارم کا بائیکاٹ کر دیا تھا۔

تازہ ترین پیش رفت میں، اسرائیل اور حماس نے قطر کی ثالثی میں غزہ میں چار روزہ جنگ بندی اور قید 50 اسیروں کی رہائی پر اتفاق کیا ہے۔ معاہدے کے تحت اسرائیلی جیلوں میں قید 150 فلسطینی خواتین اور بچوں کو رہا کیا جائے گا۔

Share With:
Rate This Article