بھارتی اداکارائوں سے متعلق بیان : ہر بھجن سنگھ پر کڑی تنقید

احمدآباد:(ویب ڈیسک )آسٹریلیا اور بھارت کے درمیان ہونے والے فائنل کے دوران اداکارہ انوشکاشرما اور اتھیا شیٹھی کے حوالے سے بیان دینے پر سابق کرکٹر ہربھجن سنگھ سوشل میڈیا پر تنقید کی زد میں آگئے ہیں ۔

تفصیلات کے مطابق ہر بھجن سنگھ ہندی کمنٹری کرنے میں مصروف تھے کہ اس دوران اسکرین پر بھارتی اداکارہ اور ویرات کوہلی کی اہلیہ انوشکا شرما کو ساتھی اداکارہ اتھیا شیٹھی کے ساتھ گفتگو کرتے ہوئے دکھایا گیا۔اس موقع پر سابق ٹیسٹ کرکٹر نے کہا کہ میں یہ سوچ رہا تھا کہ دونوں خواتین کے درمیان بات کرکٹ کی ہورہی ہے یا فلموں کی کیونکہ کرکٹ کے بارے میں تو جانتا نہیں کہ انہیں کتنی سمجھ ہوگی۔

harbhajan singh in the comm box just said “idk if they’re (anushka and athiya) talking about cricket or films, I don’t think they have much knowledge about cricket”#Worlds2023#INDvsAUSfinalpic.twitter.com/r5GhJ2gnjZ

— 133*𓃵 (@133_NotOut) November 19, 2023

دوسری جانب احمد آباد کے نریندر مودی کرکٹ اسٹیڈیم میں کھیلے گئے ورلڈ کپ 2023ء کے فائنل میں ہندوستانیوں کے غیر مہذب رویے پر آسٹریلوی میڈیا پھٹ پڑا ہے۔ورلڈ کپ فائنل میں بھارت کو 6 وکٹوں سے شکست دے کر چھٹی بار عالمی چیمپئن بننے والی آسٹریلوی ٹیم کی ہر طرف تعریف ہو رہی ہے۔ اس میچ کے ہیرو ٹریوس ہیڈ تھے جن کی سنچری کی بدولت آسٹریلیا نے بھارت کا تیسری بار عالمی چیمپئن بننے کا خواب چکنا چور کردیا۔

آسٹریلوی میڈیا میں کپتان پیٹ کمنز کی سب سے زیادہ تعریف کی جا رہی ہے، جنہوں نے میچ سے قبل کہا تھا کہ وہ اسٹیڈیم میں موجود 1 لاکھ 30 ہزار بھارتی شائقین کو خاموش کروانا چاہیں گے۔ اتوار کو احمد آباد کے نریندر مودی اسٹیڈیم میں موجود ہزاروں تماشائی ہی خاموش نہیں رہے، ڈیلی ٹیلی گراف لکھتا ہے کہ ‘کیسے آسٹریلوی کھلاڑیوں نے 1.4 بلین ہندوستانیوں کو خاموش کروا کر ورلڈ کپ چھین لیا۔’اخبار کے مطابق، کئی طرح سے یہ کپ بھارت کا ہی ہونے والا تھا۔ تکنیکی طور پر آسٹریلیا نے احمد آباد میں بھارت کو شکست دے کر ریکارڈ چھٹی بار ورلڈ کپ جیتا۔

یہ بھی پڑھیں:کرکٹ ورلڈ کپ فائنل:بھارت کو شکست ،آسٹریلیا دنیائے کرکٹ کا چیمپئن بن گیا

دی کرانیکل نےکرکٹ ورلڈ کپ فائنل میں اسپورٹس مین شپ نہ دکھانے پر ہندوستانیوں پر کڑی تنقید کی ہے۔ اخبار لکھتا ہے، “چوٹ بہت گہری تھی۔ جس وقت آسٹریلوی ٹیم ٹرافی کے ساتھ جشن منا رہی تھی، ہندوستانی کھلاڑی غیر مہذب رویے اپنا رہے تھے”۔ اخبار لکھتا ہے کہ یہ فتح اس لیے بھی خاص تھی کیونکہ یہ میزبان ہندوستانی ٹیم کے خلاف جیتی گئی تھی جس نے اب تک کوئی میچ نہیں ہارا تھا۔

“اس بڑی کامیابی کا پیمانہ شاید آسٹریلوی کپتان پیٹ کمنز اور ان کی ٹیم نے محسوس نہیں کیا ہوگا کیونکہ انہیں 130,000 کی گنجائش والے خالی اسٹیڈیم میں ٹرافی سونپی گئی تھی۔”“اس سے بھی زیادہ خاص بات یہ ہے کہ جس وقت ٹرافی میدان میں دی گئی، اس وقت ہندوستانی ٹیم کہیں نظر نہیں آرہی تھی۔”

20 سال بعد تاریخ نےاپنے آپ کو دہراہا ہے اور کرکٹ ورلڈ کپ کے فائنل میں بھارت کو ایک بار پھر آسٹریلیا کے ہاتھوں شکست کا سامنا کرنا پڑا ہے۔جب آسٹریلیا نے ٹاس جیت کر ہندوستان کو پہلے بیٹنگ کرنے کو کہا تو ایسا لگ رہا تھا کہ ہندوستانی ٹیم آسٹریلیا کو مضبوط ہدف دے گی۔ لیکن جیسے جیسے میچ آگے بڑھتا گیا اوور کم ہوتے گئے ، سکور بورڈ پر رنز اتنی تیزی سے نہیں بڑھ رہے تھے۔

ہندوستانی بلے بازوں نے یقینی طور پر پورے 50 اوورز میں بلے بازی کی لیکن وہ آسٹریلیا کے لیے صرف 241 رنز کا ہدف دے سکے۔ ہندوستانی ٹیم 50 اوورز کی آخری گیند پر 240 رنز پر آل آؤٹ ہوگئی۔

اس دوران ویرات کوہلی (54 رنز) اور روہت شرما (47) کی جانب سے مستحکم بیٹنگ دیکھنے میں آئی۔ جبکہ کے ایل راہول نے بھی 66 رنز بنائے لیکن اس کے لیے انہوں نے 107 گیندیں کھیلیں۔ ہندوستانی بیٹنگ کے دوران ایک وقت ایسا آیا کہ کسی بھی باؤنڈری کو لگنے میں ایک گھنٹے سے زیادہ کا وقت لگا تھا۔

اس پر کرکٹ کمنٹیٹر ہرشا بھوگلے نے ٹویٹ کرتے ہوئے کہا تھا کہ انہیں یاد نہیں ہے کہ انہوں نے آخری بار ایک مسابقتی ون ڈے میچ میں 29 اوورز میں کب چوکا دیکھا تھا۔ جب 10ویں اوور کی آخری گیند پر شریاس آئیر نے چوکا لگایا تو ہندوستان کا اسکور 80/2 تھا جبکہ اگلی باؤنڈری 27ویں اوور کی دوسری گیند پر کے ایل راہول نے لگائی۔ اس وقت ہندوستان کا سکور 142/3 تھا۔ اگلا چوکا 39ویں اوور کی آخری گیند پر لگا جب ہندوستان کا سکور 192/5 تھا۔

یہ بھی پڑھیں:’’فلسطینیوں پر بمباری بند کرو‘‘ تماشائی کی گراؤنڈ میں انٹری

کہا جا رہا ہے کہ بھارتی ٹیم کا سکور اس قدر آہستہ ہو رہا تھا کہ بھارت نہ دفاعی کھیل سکا اور نہ ہی جارحانہ۔جب بھی وہ انڈین کرکٹر جارحانہ بلے بازی کی کوشش کرتے ، کوئی نہ کوئی کیچ آئوٹ ہوجاتا۔ میچ کے بعد بھارتی کرکٹ ٹیم کے کوچ راہول ڈریوڈ نے کہا کہ ہم نے اچھے انداز میں نہیں کھیلا۔

انہوں نے کہا، “جب بھی ہم نے سوچا کہ ہماری کوئی پارٹنرشپ میں سے کوئی ایک چل پائے گی، وکٹ گر جاتی۔ اگر ہدف 280 تک ہوتا تو شاید کھیل کچھ مختلف ہوتا۔اس کیلئے اچھی پارٹنرشپ کی ضرورت تھی۔ ہم نے ڈر کے مارے نہیں کھیلا، ہم نے 2 وکٹوں کے نقصان پر 80 رنز بنائے۔

سینئر اسپورٹس جرنلسٹ آدیش کمار گپتا نے بھارتی ٹیم کو اس کی ناکام بلے بازی کا ذمہ دار ٹھہرایا ہے۔ وہ کہتے ہیں، “آسٹریلیا کے گیند بازوں نے وکٹ ٹو وکٹ گیند کی اور کسی بلے باز کو آزادانہ طور پر کھیلنے کا موقع نہیں دیا۔ یہی وجہ تھی کہ جیسے ہی اسکور بورڈ پر رنز کی رفتار کم ہوئی، افراتفری میں ہندوستانی بلے بازوں نے جارحانہ انداز میں کھیلنے کی کوشش کی، جس کی وجہ سے ان کی وکٹیں گر گئیں۔