واٹس ایپ اور گوگل کا بیک اپ پالیسی میں بڑی تبدیلی کا اعلان

کیلیفورنیا:(ویب ڈیسک) واٹس ایپ اور گوگل نے اینڈرائیڈ صارفین کے لیے بیک اپ پالیسی میں بڑی تبدیلی کا اعلان کر دیا۔

گوگل اور واٹس ایپ کے اعلان کے مطابق دسمبر میں متعارف کرائی جانے والی اس تبدیلی کے متعارف کرائے جانے کے بعد چیٹ ہسٹری بشمول تصاویر اور ویڈیو کے بیک اپ کے لیے گوگل ڈرائیو اسٹوریج استعمال کی جائے گی۔

جب اسٹوریج کا سائز کم رہ جائے گا تو گوگل صارفین کو بیک اپ سائز کم کرنے کےلیے غیر ضروری فائلیں یا واٹس ایپ میڈیا ڈیلیٹ کرنے کی تجویز دے گا۔ اس کے علاوہ صارفین کلاؤڈ اسٹوریج کو بڑھانے کے لیے گوگل ون پلین کا انتخاب بھی کر سکتے ہیں۔

واٹس ایپ کے مطابق یہ فیچر آزمائش کے لیے بِیٹا صارفین کو دسمبرمیں پیش کردی جائے گی جبکہ اینڈرائیڈ صارفین کے لیے یہ تبدیلی 2024 کے پہلے ششماہی میں متعارف کرا دی جائے گی اور یہ صارفین کو وقت سے 30 دن قبل متنبہ کر دے گی۔

تبدیلی کا نوٹیفکیشن سیٹن> چیٹ> چیٹ بیک اپ میں بطور بینر ظاہر ہوگا۔ وہ صارفین جو بیک اپ کے لیے اپنا گوگل اکاؤنٹ استعمال نہیں کرنا چاہتے ہوں گے ان کے پاس نئی اینڈرائیڈ ڈیوائس پر منتقل ہوتے وقت واٹس ایپ چیٹ ٹرانسفر کا آپشن استعمال کرنے کا آپشن موجود ہوگا۔

خیال رہے اینڈرائیڈ صارفین 2018 سے واٹس ایپ بیک اپ کو گوگل ڈرائیو اسٹوریج پر بغیر کسی حد کے محفوظ کرتے آرہے ہیں۔

یہ بھی پڑھیں: انسٹاگرام ڈیلیٹ کیے بغیر تھریڈز اکاؤنٹ ڈیلیٹ کرنا ممکن

واضح رہے کہ کچھ روز قبل دنیا کے سب سے بڑی انٹرنیٹ سرچ انجن ’گوگل‘ نے ویب سائٹس پر اشتہارات کی کمائی کا طریقہ کار تبدیل کرنیکا اعلان کیا تھا، گوگل کا کہنا تھا کہ نئے طریقے سے اشتہارات چلانے والے صارفین کی کمائی بہتر ہوگی، گوگل کیجانب سے ایک پوسٹ میں بتایا گیا ہے کہ ممکنہ طور پر نئے سال 2024 کے موقع پر گوگل ایڈ سینس پر کمائی کا طریقہ تبدیل کردیا جائیگا۔

کمپنی کا کہنا ہے کہ اس وقت ویب سائٹس پر اشتہارات دکھانے والے افراد اور کمپنیوں کو ’کلک‘ پر پیسے ملتے ہیں جبکہ نئے طریقے کے تحت صارفین کو اشتہارات کو ویب سائٹس پر آویزاں کرنے یا دکھانے پر پیسے ملیں گے، جسے ’امپریشن پیمنٹ‘ کا نام دیا گیا ہے۔

ابھی تک گوگل ایڈ سینس پر ’پر کلک پیمنٹ‘ کا طریقہ رائج ہے، یعنی ویب سائٹس مالکان کو گوگل اس وقت پیمنٹ ادا کرتا ہے، جتنی بار ان کے پیج کو کلک کیا جاتا ہے لیکن نئے طریقے کے تحت ویب سائٹ کے کسی بھی حصے یا پیج پر اشتہار نظر آنے پربھی پیسے ادا کیے جائیں گے۔

نئے طریقے کے تحت ویب سائٹس مالکان کو کوئی تبدیلی نہیں کرنی پڑے گی، گوگل اپنے خود کار نظام کے تحت اشتہارات کو ویب سائٹس پر آویزاں کریگا،گوگل نے واضح کیا ہے کہ نئے طریقہ کار کے پیش نظر اگرچہ آمدنی آسان اور بہتر ہوجائے گی لیکن ویب سائٹس مالکان کی کمائی کے حصے میں کوئی فرق نہیں آئے گا۔