12 April 2024

HomeGazaاسرائیل کی رفح پر بمباری،مزید 132 فلسطینی شہید

اسرائیل کی رفح پر بمباری،مزید 132 فلسطینی شہید

اسرائیلی فوج/ فائل فوٹو

اسرائیل کی رفح پر بمباری،مزید 132 فلسطینی شہید

غزہ: (ویب ڈیسک) اسرائیلی فوج نے رات گئے شمالی جنوبی اور وسطی غزہ پر حملے جاری رکھے، رفح پر تازہ حملوں میں 2 خاندانوں کے 11 افراد سمیت 25 فلسطینی شہید ہوگئے، 24 گھنٹوں میں 132 فلسطینی اسرائیلی دہشت گردی کا نشانہ بنے۔

وفا نیوز ایجنسی کے مطابق اقوام متحدہ کے سیکریٹری جنرل انتونیو گوتریس نے ایک بیان میں واضح کیا کہ اسرائیل کے مسلسل حملوں کے باعث امدادی سامان کی رسائی میں شدید مشکلات پیش آرہی ہیں۔

یہ بھی پڑھیں

اسرائیل کے خلاف “نسل کشی” کا مقدمہ، عالمی عدالت انصاف میں کیا ہوا؟

عالمی ادارہ صحت کے سربراہ نے بھی صورت پر تشویش کا اظہار کرتے ہوئے کہا کہ اس وقت غزہ میں صرف 15 ہسپتال کام کر رہے ہیں اور وہاں پر بھی صرف محدود طبی خدمات فراہم کی جا رہی ہیں جبکہ انسانی حقوق کیلئے کام کرنے والے افراد کو انتہائی ضروری مدد فراہم کرنے سے بھی روکا جار رہا ہے۔

ناروے کی امدادی تنظیم نے فوری جنگ بندی کی اپیل کرتے ہوئے غزہ کی صورت حال کو صدی کا بدترین انسانی بحران قرار دے دیا۔

7 اکتوبر سے غزہ پر اسرائیلی حملوں میں کم از کم 24 ہزار 100 افراد شہید اور 60 ہزار 800 سے زائد زخمی ہو چکے ہیں، 7 اکتوبر کو حماس کے حملوں سے اسرائیل میں مرنے والوں کی تعداد ایک ہزار 139 ہے۔

Share With:
Rate This Article