ریحام خان طلاق کی افواہوں پر برس پڑیں
کراچی :(ویب ڈیسک )سابق وزیراعظم عمران خان کی سابقہ اہلیہ و صحافی ریحام خان نے سوشل میڈیا پر اپنی طلاق کے حوالے سے گردش کرنے والی افواہوں پر سخت موقف دیتے ہوئے کہا ہے کہ ’چاہے میں 12 بار شادی کروں یا 12 بار طلاق دوں اس سے آپ کا کوئی سروکار نہیں ہونا چاہیے۔‘
تفصیلات کے مطابق ریحام خان نے ایکس پر ایک ویڈیو پیغام شئیر کیا جس میں انہوں نے کہا کہ ’حال ہی میں سوشل میڈیا پلیٹ فارمز پر ایک ٹوئٹ وائرل ہوئی تھی جس میں دعویٰ کیا گیا تھا کہ ریحام خان اور ان کے شوہر مرزا بلال کے درمیان علیحدگی ہوچکی ہے۔ ’
Hudd hei vaisay..🤦🏻♀️🤦🏻♀️ pic.twitter.com/XPhWU6IUg4
— Reham Khan (@RehamKhan1) November 14, 2023
ریحام خان نے کہا کہ گزشتہ کچھ دنوں سے سوشل میڈیا پر مجھ سے متعلق کچھ خبریں گردش کررہی ہیںجس کی وجہ سے میرے دوستوں نے مجھے فون کالز بھی کیں،انہیں معلوم ہے کہ ان کی ذاتی زندگی کے بارے میں ایسی جعلی خبریں کون پھیلا رہا ہے، حالانکہ وہ انہیں زیادہ اہمیت دینے کی زحمت نہیں کرتیں۔‘
ویڈیو پیغام میں ریحام خان نے اپنے اور مرزا بلال کے درمیان علیحدگی کی خبروں کی تردید کرتے ہوئے افواہیں پھیلانے والوں کو واضح الفاظ میں پیغام دیتے ہوئے کہا کہ ’چاہے میں 12 بار شادی کروں یا 12 بار طلاق دوں، آپ سے مطلب؟ اپنے کام سے کام رکھیے، اگر اتنی توجہ آپ اپنی ازدواجی زندگی میں دے دیتے، یا کیریئر، بچوں اور بہن کی شادی پر دے دیتے تو صورتحال مختلف ہوتی۔‘
An important personal announcement pic.twitter.com/quZNtPowQm
— Reham Khan (@RehamKhan1) November 11, 2023
ریحام خان کے شوہر مرزا بلال نے نام لیے بغیر سیاسی جماعت کو تنقید کا نشانہ بناتے ہوئے کہا کہ ’ان تمام مغلظات کا تعلق ایک ہی پارٹی سے ہوتا ہے، یہ اگر چاہ رہے تھے کہ اس خبر کو پھیلا کر دوسری خبر کو چھپا لیں تو یہ ترکیب پرانی ہوچکی ہے۔‘
رحام خان ماضی میں بی بی سی اور دیگر اداروں سے بحیثیت براڈکاسٹر وابستہ رہیں، ریحام خان نے دسمبر 2022 میں 36 سالہ مرزا بلال بیگ سے تیسری شادی کی تھی، تاہم مرزا بلال کی بھی ریحام خان سے تیسری شادی ہے۔
ریحام خان نے پہلی شادی 1990 میں کی تھی جو 2005 میں طلاق پر ختم ہوئی، انہیں پہلی شادی سے 3 جواں سالہ بچے بھی ہیں جو کہ برطانیہ میں مقیم ہیں۔
انہوں نے دوسری شادی جنوری 2015 میں پاکستان تحریک انصاف کے چیئرمین اور سابق وزیر اعظم عمران خان سے کی تھی مگر 10 ماہ بعد ہی ان کے درمیان اکتوبر 2015 میں طلاق ہوگئی تھی۔
عمران خان سے شادی اور طلاق کے بعد ہی ریحام خان کو عالمی سطح پر شہرت ملی، وہ فلم پروڈکشن میں بھی قسمت آزمائی کر چکی ہیں۔
