شعیب ملک کرکٹ کھیلنے کیلئے تیار
لاہور:(ویب ڈیسک)پاکستان کرکٹ ٹیم کے سابق کپتان شعیب ملک نے کہا ہے کہ ویسٹ انڈیز اور امریکا میں ہونے والے ٹی ٹونٹی ورلڈ کپ 2024ء میں پاکستان کی طرف سے کھیلنے کے لئے تیار ہوں۔
ایک تقریب کے دوران گفتگو کرتے ہوئے شعیب ملک نے کہا کہ ٹی ٹونٹی کرکٹ کے لئے اب بھی دستیاب ہوں، میں کرکٹ اس لئے نہیں کھیل رہا کہ میں ٹی ٹونٹی ورلڈ کپ2024 ء میں پاکستان کی نمائندگی کرنا چاہتا ہوں بلکہ میں اس لئے کھیل رہا ہوں کیونکہ میں کرکٹ سے لطف اندوز ہو رہا ہوں۔
شعیب ملک کا کہنا تھا کہ میری فٹنس کا کوئی مسئلہ نہیں ہے۔ سابق ویسٹ انڈیز کرکٹرکرس گیل کا ریکارڈ توڑ کر ٹی ٹونٹی کرکٹ کا بہترین کھلاڑی بننے کے لئے تقریبا 2000 رنز درکار ہیں، میں کھیلنے کے لئے تیار ہوں۔
واضح رہے کہ 41 سالہ تجربہ کار کرکٹر نے آخری مرتبہ تقریبا دو سال قبل بنگلا دیش کے خلاف ٹی ٹونٹی سیریز میں حصہ لیا تھا۔ انہوں نے آخری بار لنکا پریمیئر لیگ کے2023 ء ایڈیشن میں جافنا کنگز کی نمائندگی کرنے کے بعد سے کسی قسم کی مسابقتی کرکٹ میں حصہ نہیں لیا۔
یہ بھی پڑھیں:ثانیہ مرزا کیساتھ طلاق کی افواہیں، شعیب ملک سچ زبان پر لے آئے
خیال رہے کہ شعیب ملک اور ثانیہ مرزا کے درمیان طلاق کی خبریں بھی کافی عرصہ سے میڈیا کی زینت بنی ہوئی ہیں۔قومی کرکٹر شعیب ملک نے رواں سال اپریل 2023ء میں پہلی بار اپنی اہلیہ ثانیہ مرزا کیساتھ تعلقات کی کشیدگی اور طلاق کی خبروں پر پہلی بار اپنی زبان کھوی تھی۔
ایک نجی ٹیلی وژن کو انٹرویو میں شعیب ملک نے کہا کہ میاں بیوی کے درمیان رشتے میں اتار چڑھائو رہتا ہے، یہ ساری دنیا میں ہوتا ہے۔ دنیا میں شاید ہی کوئی ایسا جوڑا ہوگا کہ جن میں کوئی اختلاف نہ ہو۔
خیال رہے کہ شعیب ملک اور ثانیہ مرزا کے درمیانطلاق کی افواہیں اور کشیدہ تعلقات کی خبریں زیر گردش ہیں۔ کافی عرصہ سے دونوں نے سوشل میڈیا پر ایک ساتھ پر کوئی فوٹو یا ویڈیو تک شیئر نہیں کی۔ تاہم دونوں کو اس دوران ایک پروگرام کی میزبانی ضرور کرتے دیکھا گیا تھا۔ گذشتہ سال نومبر میں شعیب ملک کی جانب سے اپنی ثانیہ مرزا کو برتھ ڈے کی مبارکباد بھی پیش کی گئی تھی۔
تاہم دونوں نے طلاق کی خبروں پر کوئی وضاحت یا بیان جاری نہیں کیا تھا۔ اب عیدالفطر کے موقع پر نجی ٹیلی وژن کیساتھ انٹرویو میں شعیب ملک نے اس پر وضاحت کرتے ہوئے کہا ہے کہ میرے اور ثانیہ کے درمیان کوئی اختلافات نہیں ہیں۔
یہ بھی پڑھیں:ثانیہ اور شعیب ملک کی بیٹے کی سالگرہ پر تصاویر وائرل
شعیب ملک نے افسوس کا اظہار کرتے ہوئے کہا کہ وہ عیدالفطر کے پرمسرت موقع پر اپنی اہلیہ ثانیہ اور بیٹے کیساتھ نہیں ہیں، کاش وہ ان کے ساتھ ہوتے اور اکھٹے عید مناتے۔ ان کا کہنا تھا کہ شادی سے پہلے وہ جب کرکٹ کھیلنے پاکستان سے باہر ہوتے تھے تو اپنی ماں کو عید کے دنوں میں یاد کرتے تھے اور اب شادی کے بعد وہ ثانیہ اور اذہان کو بھی یاد کرتے ہیں۔
قومی اسٹار کرکٹر شعیب ملک نے کہا کہ ان کی اہلیہ کا تعلق انڈیا سے ہے، ان کی وہاں مصروفیات ہیں، اس لئے یہ ممکن نہیں ہو پاتا کہ وہ اکھٹے عید منائیں۔ ثانیہ مرزا سے طلاق اور اختلافات پر شعیب ملک نے انتہائی مبہم انداز اختیار کرتے ہوئے کہا کہ ایسی کوئی بات نہیں ہے، وہ مصروفیات کی وجہ سے ایک ساتھ نہیں ہیں۔
انہوں نے تمام افواہوں کو رد کرتے ہوئے کہا کہ ثانیہ کیساتھ طلاق کی خبریں بے بنیاد ہیں، تاہم انہوں نے یہ بھی کہا کہ ایسا کون سا جوڑا ہے، جن کے اختلافات نہیں ہوتے۔
یہ بھی پڑھیں:شعیب ملک نے شادی قائم رکھنے کے لیے ایڈجسٹمنٹ کی کوششیں کی، فردوس عاشق اعوان
شعیب ملک نے کہا کہ تعلقات میں اتار چڑھاؤ آتا ہے اور ان سمیت تمام مشہور جوڑوں کے تعلقات میں بھی ایسا ہوتا ہے۔ انہوں نے حیرت کا اظہار کرتے ہوئے یہ بھی دعویٰ کیا کہ ثانیہ مرزا نے مجھے انسٹاگرام پر اَن فالو نہیں کیا اور یہ بات ان کو آج پتہ چلی ہے کہ انہون نے مجھے ان فالو کر دیا ہے۔
انہوں نے دعویٰ کیا تھا کہ کچھ عرصے سے ہم ایک ساتھ نہیں دکھائی دیے، کیونکہ دونوں کی اپنی اپنی مصروفیات تھیں۔ تاہم میں دن میں دو بار اپنے بیٹے سے بات کرتا ہوں۔ ان کے بیٹے کو بیڈمنٹن کا شوق ہے۔
