لندن: (سنونیوز) انگلش پریمیئر فٹ بال لیگ کے انگلینڈ میں دلچسپ مقابلے جاری ہیں۔ چیلسی نے سنسنی خیز مقابلے کے بعد کرسٹل پیلس کو1-3 سے شکست دے دی۔ انگلش پریمیئر فٹ بال لیگ میں چیلسی نے لیگ کی دسویں فتح حاصل کی ہے۔ لندن میں کھیلے گئے میچ میں چیلسی اور کرسٹل پیلس کی ٹیموں کا ٹاکرا ہوا۔ میچ کے پہلے ہاف میں کرسٹل پیلس کی ٹیم کے جیفرسن لیما نے30ویں منٹ پرگول کر کے اپنی ٹیم کو چیلسی پر0-1 کی برتری دلوائی۔ تاہم دوسرے ہاف میں چیلسی کی ٹیم نے شاندار کم بیک کیا اور کرسٹل پیلس کے گول پوسٹ پر تابڑ توڑ حملے جاری رکھے۔ دوسرے ہاف میں شاندار کھیل پیش کرتے ہوئے کرسٹل پیلس کے ایک گول کے مقابلے میں چیلسی کی ٹیم نے 3 گول کیے اور میچ 1-3 سے اپنے نام کیا کرسٹل پیلس کی طرف سے واحد گول جیفرسن لیما نے میچ کے 30 ویں منٹ میں سکور کیا جب کے چیلسی کے کھلاڑی کونور گالا گھر نے 47 ویں منٹ پر گول کرکے مقابلہ 1-1 سے برابر کیا۔ میچ کے آخری لمحات میں چیلسی کے کونور گالا گھر اور اینزو فرنینڈز نے یکے بعد دیگرے دو گول کر کے چیلسی کو مقابلے میں فتح دلوائی۔