Homeالیکشن 2024پاکستان میں دھاندلی کے دعوؤں کی مکمل تحقیقات کی ضرورت ہے: امریکا

پاکستان میں دھاندلی کے دعوؤں کی مکمل تحقیقات کی ضرورت ہے: امریکا

ترجمان امریکی محکمہ خارجہ میتھیو ملر پریس بریفنگ دیتے ہوئے/ فائل فوٹو

پاکستان میں دھاندلی کے دعوؤں کی مکمل تحقیقات کی ضرورت ہے: امریکا

واشنگٹن: (سنو نیوز) امریکا نے پاکستان میں 8 فرروی کو عام انتخابات کے انعقاد کے دوران دھاندلی کے الزامات کی مکمل تحقیقات کی ضرورت پر زور دیا ہے۔

ترجمان امریکی محکمہ خارجہ میتھیو ملر نے پریس بریفنگ کے دوران عام انتخابات کے کامیاب انعقاد پر پاکستانی عوام کو مبارک باد دی، ساتھ ہی بے ضابطگیوں پر تشویش کا بھی اظہار کیا۔

یہ بھی پڑھیں

گوانتاناموبے سے رہا ہونے والے دو قیدی کابل پہنچ گئے

میتھیو ملر نے کہا کہ یہ واضح طور پر ایک مسابقتی الیکشن تھا، لوگوں نے اپنا حق رائے دہی استعمال کیا۔ انہوں نے واضح کیا کہ امریکا پاکستان کے جمہوری عمل کا احترام کرتا ہے، اس حکومت کے ساتھ مل کر کام کریں گے جسے پاکستانی عوام نے منتخب کیا ہو۔


قانون کی حکمرانی اور آئین کے احترام پر زور دیتے ہوئے میتھیو ملر نے کہا کہ انہوں نے انتخابی عمل میں کچھ بے ضابطگیاں دیکھیں، پرتشدد واقعات، موبائل اور انٹرنیٹ سروس کی بندش کا انتخابی عمل پر منفی اثر پڑا۔ انہوں نے امید ظاہر کی کہ حکومتِ پاکستان عوام کی خواہشوں کا احترام کرے گی اور انتخابات میں دھاندلی کے الزامات کی تحقیقات کی جائے گی۔

میتھیو ملر نے کہا کہ دھاندلی کے الزامات پر پاکستانی قانونی نظام کے تحت مکمل آزادانہ تحقیقات ہی مناسب قدم ہوگا۔

Share With:
Rate This Article