19 April 2024

Homeپاکستانسیکیورٹی فورسز کا آپریشن، 4 دہشتگرد جہنم واصل

سیکیورٹی فورسز کا آپریشن، 4 دہشتگرد جہنم واصل

Security Forces Eliminate Four Terrorists In Two Separate Operations

سیکیورٹی فورسز کا آپریشن، 4 دہشتگرد جہنم واصل

راولپنڈی: (سنو نیوز) سیکیورٹی فورسز نے صوبہ خیبرپختونخوا میں دہشتگردوں کے خلاف آپریشنز کرکے چار دہشتگردوں کو جہنم واصل کر دیا ہے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقہ میر علی میں سیکیورٹی فورسز نے انٹیلی جنس بیسڈ آپریشن کیا، اس دوران ان کا دہشتگردوں سے فائرنگ کا تبادلہ کیا جس میں انتہائی مطلوب دہشتگرد کمانڈر تبسم عرف قدرمان اور دہشتگرد ساجد عرف سرکنڈی جہنم واصل ہو گئے۔

آئی ایس پی آر کے مطابق سیکیورٹی فورسز اور پولیس نے ڈی آئی خان کے علاقے کلاچی میں دہشتگردوں کے خلاف آپریشن بھی کیا۔ کلاچی میں آپریشن کے نتیجے میں دو مزید دہشتگرد جہنم واصل ہو گئے۔ ہلاک دہشت گردوں سے بھاری مقدار میں اسلحہ اور گولہ بارود بھی برآمد کر لیا گیا ہے۔

Share With:
Rate This Article