اسد عمر کا سیاست چھوڑنے کا اعلان
لاہور: (سنو نیوز) اسد عمر نے سیاست چھوڑنے کا اعلان کر دیا۔ انہوں نے کہا کہ ایک دہائی سے زیادہ عوامی زندگی کے بعد سیاست کو مکمل طور پر چھوڑنے کا فیصلہ کیا ہے۔
After more than one decade in public life, I have decided to completely quit politics.
As i had already stated publicly earlier that i disagree with the policy of confrontation with state institutions, and such a policy has led to a serious collission with state institutions,…
— Asad Umar (@Asad_Umar) November 11, 2023
پاکستان تحریک انصاف کے رہنما و سابق وفاقی وزیر اسد عمر نے سماجی رابطے کی ویب سائٹ ایکس پر پوسٹ کرتے ہوئے کہا کہ ریاستی اداروں کے ساتھ تصادم کی پالیسی سے متفق نہیں ہوں، ایسی پالیسی ریاستی اداروں کے ساتھ شدید ٹکراؤ کا باعث بنی ہے جو کہ ملک کے مفاد میں نہیں ہے۔
اسد عمر کا کہنا تھا کہ پی ٹی آئی کی بنیادی رکنیت سے استعفیٰ دے رہا ہوں، ان تمام لوگوں کا شکرگزار ہوں جنہوں نے عوامی زندگی میں میرا ساتھ دیا، خاص طور پر میں این اے 54 کی ٹیم اور ووٹرز کا شکریہ ادا کرنا چاہتا ہوں جنہوں نے مجھے دوبار منتخب کیا، اس حلقہ کی خدمت کرنے کی بھر پور کوشش کی، اللہ پاک پاکستانی قوم پر اپنی رحمتیں نازل فرما۔
