Homeانٹرٹینمنٹبھارتی گلوکارہ شریا گھوشال کا علی ظفر سے متعلق بڑا انکشاف

بھارتی گلوکارہ شریا گھوشال کا علی ظفر سے متعلق بڑا انکشاف

Shreya Ghoshal took to X and expressed admiration for Ali Zafar that she is a have always been a big fan of @AliZafarsays

بھارتی گلوکارہ شریا گھوشال کا علی ظفر سے متعلق بڑا انکشاف

ممبئی :(ویب ڈیسک) بھارتی گلوکارہ شریا گھوشال نے انکشاف کرتے ہوئے کہا کہ ہمیشہ سے پاکستانی گلوکار علی ظفر کی بڑی مداح رہی ہوں۔

انہوں نے اپنی مختصر ٹوئٹ میں جہاں خود کو پاکستانی گلوکار کا مداح قرار دیا وہیں انہوں نے یہ انکشاف بھی کیا کہ آنے والی بھارتی فلم کراک میں انہوں نے علی ظفر کے تیار کیے گئے گانے کو گایا ہے جو کہ ان کے لیے اعزاز ہے۔


بھارتی شریا گھوشال نے اپنےٹوئٹ میں بتایا کہ انہوں نے فلم کے لیے علی ظفر کا گانا دل جھوم جھوم چلے گایا ہے جو کہ ان کے لیے اعزاز ہے۔

بھارتی گلوکارہ نے لکھا کہ وہ اپنی اور دیگر گلوکاروں کی آواز میں ریکارڈ کرائے گئے علی ظفر کے گانے کو سننے کے لیے بیتاب ہیں۔

پاکستانی گلوکار علی ظفر نے بھی شریا گھوشال کی ٹوئٹ کو ری ٹوئٹ کرتے ہوئے ان کا شکریہ ادا کیا اور انہیں اپنے دور کی بہترین گلوکارہ بھی قرار دیا۔


گلوکار علی ظفر نے امید ظاہر کی کہ انہوں نے اور دیگر بھارتی گلوکاروں نے ان کے گانے دل جھوم جھوم کے ساتھ انصاف کیا ہوگا اور اسے اسی طرح شاندار انداز میں گایا ہوگا اور وہ بھی گانے کو سننے کے لیے بیتاب ہیں۔

بھارتی شریا گھوشال کی ٹوئٹ کو بھارتی گلوکار وشال مشرا نے بھی ری ٹوئٹ کیا اور انہوں نے بھی دل جھوم جھوم گانے کو اپنا پسندیدہ ترین گانا قرار دیا اور لکھا کہ وہ اس بات پر انتہائی خوش ہیں کہ انہوں نے اپنی پسندیدہ گلوکارہ شریا گھوشال کے ہمراہ مذکورہ گانا گایا۔


ساتھ ہی انہوں نے بھی علی ظفر کے لیے محبتوں اور پیار کا اظہار کیا اور اپنی ٹوئٹ میں گلوکارہ تنشک باغچی کو بھی مینشن کیا جنہوں نے ان کے ہمراہ مذکورہ گانا گایا ہے۔

یہ واضح نہیں ہے کہ بھارتی گلوکاروں کی آواز میں علی ظفر کے تیار کیے گئے گانے کو کب تک ریلیز کیا جائے گا تاہم امکان ہے کہ اسے جلد ہی ریلیز کردیا جائے گا۔

علی ظفر نے دل جھوم جھوم کو ابتدائی طور پر 2011 میں ریلیز کیا تھا، تاہم ایک سال قبل انہوں نے اسی گانے کا ریمیکس بھی ریلیز کیا تھا۔

Share With:
Rate This Article