کراچی: (سنو نیوز) رواں مالی سال کی پہلی سہ ماہی ایڈجسٹمنٹ کی مد میں کراچی کیلئے بجلی بھی مہنگی ہونے کا امکان ہے۔ نیپرا نے رواں مالی سال کی پہلی سہ ماہی ایڈجسٹمنٹ کیلئے نظر ثانی نوٹس جاری کر دیا۔ حکومتی گائیڈ لائنز کے تحت جولائی تا ستمبر ایڈجسٹمنٹ کا یکساں ٹیرف رکھا جائے گا۔ ڈسکوز نے نیپرا کو بجلی صارفین پر 22 ارب 56 کروڑ روپے کا اضافی بوجھ منتقل کرنے کی درخواست کر رکھی ہے۔ نییرا کے نظر ثانی نوٹس کے تحت ڈسکوز کا جولائی تا ستمبر کی ایڈجسٹمنٹ کا اطلاق کے الیکٹرک صارفین پر بھی ہوگا۔ حکومتی گائیڈ لائنز کے تحت ملک بھر میں جولائی تا ستمبر ایڈجسٹمنٹ کا یکساں ٹیرف رکھا جائے گا۔ نیپرا پہلی سہ ماہی ایڈجسٹمنٹ درخواست کے حوالے سے 14 نومبر کو سماعت کرے گا۔ کمپنیوں نے کیپیسٹی چارجز کی مد میں 12 ارب 12 کروڑ روپے وصولی کی اجازت مانگی ہے۔ یوز آف سسٹم چارجز کی تحت 10 ارب 24 کروڑ روپے وصولی کی درخواست کی گئی جبکہ آپریشن اینڈ مینٹیننس کی مد میں 4 ارب61 کروڑ روپے مانگے رکھے ہیں۔ نقصانات کی مد میں 6 ارب 61 کروڑ70 لاکھ روپے وصول کرنے کی درخواست کی ہے۔