لاہور:(سنو نیوز) سینئر اینکر پرسن سنو نیوز حبیب اکرم نے میڈیا سے گفتگو کرتے ہوئے کہا ہے کہ الیکشن کمیشن نے عدالت میں بیان دے دیا ہے کہ الیکشن سروے پر پابندی نہیں ہے۔ انہوں نے کہا کہ آزادی اظہار کے حوالے سے آج کا فیصلہ بہت اہمیت کا حامل ہے، الیکشن کے موقع پر عوام کی رائے جاننا آزادی اظہار ہے، جسٹس علی باقر نجفی کا شکریہ ادا کرتے ہیں، پیمرا نے جو نوٹسز جاری کیے تھے وہ واپس لے لیے ہیں۔ خیال رہے کہ آج لاہور ہائی کورٹ میں الیکشن سروے پر پابندی کے خلاف دائر درخواست پر سماعت ہوئی، سماعت کے دوران سرکاری وکیل نے آگاہ کیا ہے کہ الیکشن سروے پر پابندی کا اطلاق صرف الیکشن دن کی حد تک ہے۔

الیکشن سروے پر پابندی کا معاملہ!
سنیئر صحافی حبیب اکرم کو کامیابی مل گئی!#sunonewshd #LahoreHighCourt #Election2024@HabibAkram pic.twitter.com/77aI6BomXU

— SUNO NEWS HD (@suno_newshd) January 9, 2024

الیکشن سروے پر پابندی کے خلاف دائر درخواست پر سماعت کے دوران سرکاری وکیل نے لاہور ہائی کورٹ کو آگاہ کیا کہ الیکشن سروے پر پابندی کا اطلاق صرف الیکشن دن کی حد تک ہے، پیمرا نے جو نوٹسز جاری کیے ہیں واپس لے لیے ہیں۔ واضح رہے کہ لاہور ہائی کورٹ میں سنو نیوز کے اینکر پرسن حبیب اکرم نے الیکشن کمیشن کی جانب سے ٹیلی ویژن چینلز پر الیکشن سروے کرنے کی پابندی کے اقدام کو لاہور ہائی کورٹ میں چیلنج کیا تھا۔ ایڈووکیٹ میاں داؤد کی وساطت سے لاہور ہائی کورٹ میں درخواست دائر کی گئی، درخواست میں پاکستان الیکٹرانک ایند ریگولیٹری اتھارٹی ، وفاقی حکومت اور الیکشن کمیشن کو فریق بنایا گیا تھا۔