Homeپاکستاننو مئی واقعات میں ملوث تمام کرداروں کو سزا ملنی چاہیے: انوارالحق کاکڑ

نو مئی واقعات میں ملوث تمام کرداروں کو سزا ملنی چاہیے: انوارالحق کاکڑ

All the characters involved in May 9 incidents should be punished: Anwar Haq Kakar

نو مئی واقعات میں ملوث تمام کرداروں کو سزا ملنی چاہیے: انوارالحق کاکڑ

اسلام آباد:(سنو نیوز) نگران وزیراعظم انوارالحق کاکڑ کا کہنا ہے کہ نومئی واقعات میں ملوث تمام کرداروں کو سزا ملنی چاہیے، ایسی کوئی اطلاع نہیں کہ سانحہ کے ماسٹر مائنڈ بانی پی ٹی آئی تھے۔

انہوں نے کہا کہ ان واقعات میں ملوث روپوش ارکان جب تک سرنڈر نہیں کرتے، قانونی رکاوٹوں کا سامنا کرنا پڑے گا، عوام نے جسے مینڈیٹ دیا، اسے اقتدار منتقل کر دیں گے،آٹھ فروری کی شام یا نو فروری کی صبح تک پتہ چل جائے گا عوام نے کسے ووٹ دیا۔

نگران وزیراعظم انوارالحق کاکڑ نے کہا کہ 9 مئی واقعات کے بعد بہت سے لوگ روپوش ہیں، جب تک قانون کے سامنے سرنڈر نہیں کریں گے ان کی سیاسی سرگرمیوں میں قانونی رکاوٹیں آئیں گی۔

نگران وزیراعظم انوارالحق کاکڑ نے کہا کہ ہوسکتا ہے فوجی ٹرائل کے نتائج آنیوالی حکومت کے دورانیے میں سامنے آئیں، 9 مئی واقعہ پر کارروائی ذمہ داروں کے خلاف ہونی چاہئے، نگران وزیراعظم کیلئے لیڈر آف دی ہاؤس اور اپوزیشن لیڈر نے میرے نام پر اتفاق کیا تھا، مجھے راجہ ریاض نے نہیں وزیراعظم ہاؤس نے رابطہ کرکے نگران وزیراعظم کا بتایا تھا۔

مزید پڑھیں

سیکرٹری الیکشن کمیشن عمر حمید خان نے استعفیٰ دیدیا

نگران وزیراعظم نے مزید کہا کہ نگران حکومت کے دور میں بھی نومئی والوں کا فوجی ٹرائل ہوسکتا ہے، ایسا ارادہ نہیں کہ پوری پی ٹی آئی کو دشمن سمجھ کر برتاؤ کیا جائے، 9 مئی کے حوالے سے بہت سے لوگ روپوش ہیں، ریاست کا تقدس اشخاص سے بہت بڑا ہے۔

انوارالحق کاکڑ سے سوال کیا گیا کیا اب پی ٹی آئی کو ووٹ دیں گے؟ نگران وزیراعظم نے کہا کہ اب پی ٹی آئی کو ووٹ نہیں دوں گا، اب خیالات بدل گئے ہیں، کئی پارٹیوں کو موقع ملا پاکستان کے گورننس چیلنجز حل نہیں کرسکے، پی ٹی آئی کو ووٹ اس امید پر دیا تھا کہ گورننس چیلنجز حل کرپائے گی۔

نگران وزیراعظم نے کہا کہ ان لوگوں کو خود فیصلہ کرنا ہے کہ کون سی راہ اپنانی ہے، نگران حکومت تیار ہے پی ٹی آئی اکثریت سے جیت جائے تو حکومت ان کو منتقل کر دیں گے کہ سوال پر انوارالحق کاکڑ نے کہا کہ ہم تیار ہوں یا نہ ہوں فیصلہ عوام کو کرنا ہے، کسی کی بھی حکومت تشکیل ہو ہمیں اقتدار ٹرانسفر کرنا ہے، ہماری کوئی آپشن نہیں ہے۔

Share With:
Rate This Article