لاہور(سنو نیوز)لاہورمیں 15 ایمرجنسی ہیلپ لائن پر غیر متعلقہ کالرز کیخلاف کارروائی کا فیصلہ کیا گیا ہے۔ تنبیہ کے باوجود 15 پر غیر ضروری کالز پر مقدمات درج ہوں گے،ایمرجنسی 15 مصیبت میں مبتلا شہریوں کی بروقت امداد کیلئے فری سروس ہے،15 کے ناجائز استعمال سے سنگین صورتحال میں پھنسے شہریوں کی امداد میں تاخیر ہوتی ہے۔ ہر ماہ 200 ٹاپ غیر متعلقہ کالرز کو تنبیہ کیلئے کال بیک کی جا رہی ہے،ایمرجنسی 15 پر مئی میں پنجاب بھر سے 25 لاکھ 70 ہزار 859 کالز موصول ہوئیں ،2 لاکھ 22 ہزار 816 کالز پر پولیس کی فوری مدد فراہم کی گئی۔ موصول شدہ کالز میں 15 لاکھ 49 ہزار 868 کالز غیر متعلقہ تھیں، لاسٹ اینڈ فاؤنڈ سینٹرکی مدد سے 10 افراد بشمول بچوں کو اپنوں سے ملوایا گیا،134 موٹر سائیکلیں اور 5 گاڑیاں مالکان کے حوالے کی گئیں ،شہری ون فائیو (15) ایمرجنسی ہیلپ لائن پر غیر ضروری کالز سے اجتناب کریں۔