راولپنڈی(سنو نیوز) سابق وزیر داخلہ شیخ رشید نے سوشل میڈیا پلیٹ فارم ٹویٹر پر اپنے بیان میں کہا ہے کہ بلاول بھٹو نے بھارت جا کر جو کم عقلی ذہنی پستی کا مظاہرہ کیا ہے، مقبوضہ کشمیر میں اسکے خلاف غم و غصے کی لہر دوڑ گئی ہے۔

بلاول بھٹو نےبھارت جاکر جوکم عقلی ذہنی پستی کامظاہرہ کیاہےمقبوضہ کشمیر میں اسکےخلاف غم و غصے کی لہر دوڑ گئی ہےہم نے ہر صورت مقبوضہ کشمیر کی جدوجہدآزادی کی حمایت کرنی ہےملک جن مسائل سےدوچار ہے وہ پاکستان کی سیاست میں کچھ بھی نتیجہ دکھا سکتا ہےسپریم کورٹ جیتےگا الیکشن کروانےپڑیں گے

— Sheikh Rashid Ahmed (@ShkhRasheed) May 7, 2023

انہوں نے کہا ہم نے ہر صورت مقبوضہ کشمیر کی جدوجہد آزادی کی حمایت کرنی ہے، ملک جن مسائل سے دو چار ہے وہ پاکستان کی سیاست میں کچھ بھی نتیجہ دکھا سکتا ہے، سپریم کورٹ جیتے گا الیکشن کروانے پڑیں گے۔ شیخ رشید نے کہا حکومت اپنے اقتدار کو بچانے کے لیے سارے ملک کو سیاست کی بھٹی میں جھونک رہی ہے، سیاست سنگین اور گھمبیر ہوچکی ہے نہ IMF ہے نہ پڑوسی ملکوں کی مدد ہے، کل عمران خان کی عدلیہ کے ساتھ کندھا بہ کندھا چلنے کی کال انتہائی کامیاب رہی، وہ وقت دور نہیں جب ساری قوم عمران خان قانون اور آئین کے حق میں نکلے گی۔