کراچی: (سنو نیوز) ملک بھر میں سونے کی قیمت میں آج دوسرے روز بھی کمی ریکارڈ ہوئی ہے۔ آل پاکستان جیمز اینڈ جیولرز ایسوسی ایشن کا کہنا ہے کہ ملک بھر میں سونے کی فی تولہ قیمت میں 1300 روپے کمی ہوئی ہے،عالمی بازار میں سونے کا بھاؤ 9 ڈالر کم ہوکر 2028 ڈالر فی اونس ہے۔ سونے کی قیمت میں 1300روپے کمی کے بعد سونے کی فی تولہ قیمت 2 لاکھ 18 ہزار 100 روپے ہو گئی ہے جب کہ 10 گرام سونے کا بھاؤ ایک ہزار 114 روپے کم ہو کر ایک لاکھ 86 ہزار 986 روپے کا ہو گیا ہے۔ خیال رہے کہ گذشتہ روز بھی سونے کی قیمت میں بڑی کمی ہوئی تھی، انٹرنیشنل بلین مارکیٹ میں فی اونس سونے کی قیمت 20 ڈالر کی کمی ہوئی تھی جس سے سونے کی قیمت 2057 ڈالر کی سطح پر پہنچ گئی تھی۔ اسکے باعث مقامی صرافہ مارکیٹوں میں آج منگل کو 24 قیراط کے حامل ایک تولہ سونے کی قیمت میں 4200 روپے کی کمی ہوئی جس سے 219400 روپے اور دس گرام سونے کی قیمت بھی 3601 روپے کی کمی سے 188100 روپے کی سطح پر آ گئی تھی۔ گذشتہ روز فی تولہ چاندی کی قیمت میں بھی معمولی کمی ہوئی تھی، چاندی کی قیمت میں 20 روپے کی کمی سے 2600 روپے اور دس گرام چاندی کی قیمت بھی 17.14 روپے کی کمی سے 2229.08 روپے ہو گئی تھی۔ خیال رہے کہ گذشتہ روز سونے کی قیمت میں ریکارڈ اضافہ ہوا تھا، بین الاقوامی بلین مارکیٹ میں فی اونس سونے کی قیمت 31 ڈالر کے اضافے سے 2091 ڈالر کی سطح پر پہنچ گئی تھی۔ واضح رہے کہ انٹربینک میں ڈالر کی قدر میں کمی آئی ہے، انٹربینک میں ڈالر 38 پیسے سستا ہوگیا ہے، انٹربینک میں امریکی ڈالر 284 روپے پر ٹریڈ کر رہا ہے۔ سٹاک مارکیٹ میں ایک اور نیا دن ایک اور نیا ریکارڈ سامنے آیا ہے، 100 انڈیکس میں 1000 پوائنٹس کا اضافہ ہوا ہے، 100 انڈیکس ملکی تاریخ کی بلند ترین سطح 63 ہزار 960 پر ٹریڈ ہورہا ہے۔ یہ بھی پڑھیں https://sunonews.tv/06/12/2023/latest/58037/ دوسری جانب گذشتہ روز بھی انٹربینک میں ڈالر کی قدر میں مسلسل کمی ہوئی تھی، انٹربینک میں ڈالر 15 پیسے سستا ہو کر 284 روپے 38 پیسے پر بند ہوا تھا۔ انٹربینک میں کمی کا اثر اوپن مارکیٹ میں بھی دیکھنے کو ملا، اوپن مارکیٹ میں ڈالر کی قیمت 25 پیسے کم ہو کر 285 روپے 25 پیسے ہو گئی تھی۔ گذشتہ روز بھی انٹربینک میں ڈالر کی قدر میں مزید کمی ہوئی تھی، انٹربینک میں ڈالر 44 پیسے سستا ہوگیا تھا۔ اوپن مارکیٹ میں ڈالر کی قدر میں استحکام رہا تھا، اوپن مارکیٹ میں ڈالر 285 روپے 50 پیسے پر برقرار رہا۔ گذشتہ روز سٹیٹ بینک کے مطابق انٹربینک میں ڈالر 284 روپے 53 پیسے پر بند ہوا۔ سولہ نومبر سے اب تک ڈالر 3 روپے 85 پیسے سستا ہو چکا ہے، 16 نومبر کو ڈالر 288 روپے 10 پیسے پر تھا۔ اوپن مارکیٹ میں بھی ڈالر 25 پیسے سستا ہو گیا ہے، اوپن مارکیٹ میں ڈالر 285 روپے 75 پیسے کا ہوگیا تھا۔