کراچی:(سنو نیوز) سٹاک مارکیٹ میں ایک اور نیا دن ایک اور نیا ریکارڈ سامنے آیا ہے، 100 انڈیکس میں 961 پوائنٹس کا اضافہ ہوا ہے، 100 انڈیکس ملکی تاریخ کی بلند ترین سطح 63 ہزار 917 پر بند ہوا ہے۔ آج 34.1 ارب روپے مالیت کے 93.9 کروڑ شئیرز کے سودے ہوئے، گذشتہ روز پاکستان سٹاک ایکسچینج میں کاروبار کے آغاز پر تیز دیکھی گئی تھی، 100 انڈیکس 53 پوائنٹس اضافے سے 62546 کی سطح پر ٹریڈ کیا تھا۔ دوسری جانب انٹربینک میں ڈالر کی قدر میں کمی آئی ہے، انٹربینک میں ڈالر 38 پیسے سستا ہوگیا ہے، انٹربینک میں امریکی ڈالر 284 روپے پر ٹریڈ کر رہا ہے۔ سٹاک مارکیٹ میں ایک اور نیا دن ایک اور نیا ریکارڈ سامنے آیا ہے، 100 انڈیکس میں 249 پوائنٹس کا اضافہ ہوا ہے، 100 انڈیکس ملکی تاریخ کی بلند ترین سطح 63 ہزار 205 پر ٹریڈ ہورہا ہے۔ خیال رہے کہ حکومتی قرضوں کے بوجھ میں سالانہ بنیادوں پر اضافہ ہوا ہے، ماہانہ بنیادوں پر استحکام دیکھا گیا ہے، اکتوبر 2023 میں سالانہ بنیادوں پر حکومتی قرضوں میں 24 فیصد کا اضافہ ہوا۔ یہ بھی پڑھیں https://sunonews.tv/06/12/2023/latest/57990/ سٹیٹ بینک کا کہنا ہے کہ حکومتی قرضوں کا بوجھ اکتوبر 2023 کے اختتام تک 62 ہزار 483 ارب روپے رہا، 40 ہزار 409 ارب روپے مقامی اور 22 ہزار 73 ارب روپے بیرونی قرض کی مد میں شامل ہیں۔ اکتوبر میں مقامی سطح سے 711 ارب روپے قرض لیے گئے،سٹیٹ بینک کے مطابق اکتوبر میں بیرونی قرضوں کی مد میں 520 ارب روپے ادا کیے گئے،اکتوبر میں حکومت نے 191 ارب روپے خالص قرض لیا ہے۔ ایک سال کے دوران حکومتی قرضوں کا حجم 12 ہزار 275 ارب روپے بڑھا ہے،حکومت نے اکتوبر میں مقامی سطح سے 7 ہزار 853 ارب روپے کا قرضہ لیا،بیرونی قرض کی مد میں 4 ہزار 422 ارب روپے لیے گئے۔