خضدار: (سنو نیوز) بلوچستان کے ضلع خضدار میں زلزلے کے شدید جھٹکے محسوس کیے گئے جس کی شدت 5.5 اور گہرائی 60 کلومیٹر زیر زمین تھی۔ زلزلہ پیما مرکز کے مطابق ضلع خضدار کے علاقے گڑھی جو میں پیر کی شام 5 بجکر 19 منٹ پر زلزلے کے جھٹکے محسوس کیے گئے۔ زلزلے کی شدت 5.5 اور گہرائی 60 کلومیٹر تھی، جب کہ زلزلے کا مرکز خضدار سے 160 کلومیٹر جنوب مغرب میں تھا۔ ضلعی انتظامیہ کے مطابق زلزلے سے خضدار کے علاقے گڑھی جو کے کچے مکانات اور زمین میں دراڑ یں پڑگئیں، خضدار کی تحصیل وڈھ کے گاؤں باڑی میں زلزلے سے متعدد کچے مکانات گرگئے۔ ضلعی انتظامیہ کا کہنا ہے کہ زلزلے سے کسی قسم کے جانی نقصانات کی اطلاع نہیں ملی۔ یہ خبر بھی پڑھیں https://sunonews.tv/06/11/2023/latest/52722/ یاد رہے ماہرین کے مطابق زمین کی تہہ تین بڑی پلیٹوں سے بنی ہے۔ پہلی تہہ کا نام یوریشین، دوسری انڈین اور تیسری اریبئین ہے۔ زیر زمین حرارت جمع ہوتی ہے تو یہ پلیٹس سرکتی ہیں۔ زمین ہلتی ہے اور یہی کیفیت زلزلہ کہلاتی ہے۔

کوئٹہ، خضدار کے علاقے وڈھ اور گردونواح میں زلزلے کے جھٹکے
کوئٹہ، زلزلے کی شدت 5.5 ریکارڈ کی گئی
کوئٹہ ، زلزلہ کا مرکز خضدار سے 160کلومیٹر دور ، گہرائی 60کلو میٹر ریکارڈ pic.twitter.com/PI6yMGMogR

— Ghazanfar Abbas (@ghazanfarabbass) December 4, 2023

زلزلے کی لہریں دائرے کی شکل میں چاروں جانب یلغار کرتی ہیں۔زلزلوں کا آنا یا آتش فشاں کا پھٹنا، ان علاقوں ميں زیادہ ہے جو ان پلیٹوں کے سنگم پر واقع ہیں۔ ماہرین کا کہنا ہے کہ جن علاقوں میں ایک مرتبہ بڑا زلزلہ آ جائے تو وہاں دوبارہ بھی بڑا زلزلہ آ سکتا ہے۔ زلزلہ قشر الارض سے توانائی کے اچانک اخراج کی وجہ سے رونما ہوتا ہے، يہ توانائی اکثر آتش فشانی لاوے کی شکل ميں سطح زمين پر نمودار ہوتی ہے۔ دنیا کے 80 فیصد سے زیادہ زلزلے بحرالکاہل کے کناروں پر ہوتے ہیں جسے رنگ آف فائر یعنی آگ کا دائرہ کہا جاتا ہے۔ اس کی وجہ یہ ہے کہ وہاں زمین کے اندر آتش فشانی سرگرمی بہت زیادہ ہوتی ہے۔ اس کے علاوہ زیادہ تر زلزلے فالٹ زون میں آتے ہیں، جہاں ٹیکٹونک پلیٹیں آپس میں ٹکراتی یا رگڑتی ہیں۔ ٹیکٹونک پلیٹیں وہ پتھریلی چٹانیں ہیں جن سے زمین کی باہر والی تہ بنی ہوئی ہے۔ ان پلیٹوں کے رگڑنے یا ٹکرانے کے اثرات عام طور پر زمین کی سطح پر محسوس نہیں ہوتے لیکن اس کے نتیجے میں ان پلیٹوں کے درمیان شدید تناؤ پیدا ہوجاتا ہے۔ جب یہ تناؤ تیزی سے خارج ہوتا ہے تو شدید لرزش پیدا ہوتی ہے جو جسے سائزمک ویوز یعنی زلزلے کی لہر کہتے ہیں۔