ممبئی: (سنو نیوز) بالی ووڈ کی معروف جوڑی ایشوریا اور ابھیشیک بچن میں طلاق کی خبریں سوشل میڈیا پر گردش کرنے لگیں اور خدشہ ظاہر کیا جا رہا ہے کہ دونوں طلاق کیلئے جلد عدالت سے رجوع کریں گے۔

 

View this post on Instagram

 

A post shared by Abhishek Bachchan (@bachchan)

تفصیلات کے مطابق بالی ووڈ کی معروف جوڑی ایشوریا اور ابھیشیک کی طلاق کی خبر کئی بار میڈیا پہ آئی مگر دونوں میاں بیوی نے ہمیشہ اس خبر کو افواہ قرار دیا لیکن اس بار دونوں میاں بیوی خاموش ہیں۔ گزشتہ روز بچن خاندان کی اکلوتی بہو اور سپر اسٹار ایشوریا رائے نے ممبئی میں ایک تقریب کے دوران اپنی 50 ویں سالگرہ منائی۔ اداکارہ نے اپنی بیٹی آرادھیا بچن اور والدہ کے ہمراہ کیک کاٹا لیکن اس تقریب میں ابھیشیک بچن سمیت پوری بچن فیملی غائب تھی جس پر سوشل میڈیا صارفین نے کئی سوال اُٹھا دیئے۔ بھارتی میڈیا رپورٹس کے مطابق گزشتہ کچھ عرصے سے بھی معروف بالی ووڈ جوڑی کی علیحدگی سے متعلق خبریں گردش کر رہی ہیں اور خدشہ ظاہر کیا جا رہا ہے کہ دونوں طلاق کیلئے جلد عدالت سے رجوع کریں گے۔ اب حال ہی میں معروف بالی ووڈ جوڑی کی علیحدگی سے متعلق خبروں نے اس وقت مزید طول پکڑ لیا جب ابھیشیک بچن مختلف تقریبات میں اپنی شادی کی انگوٹھی کے بغیر دکھائی دیئے۔ ایک صارف نے اداکار کی حالیہ مختلف تقریبات سے چند تصاویر شیئر کی ہیں جس میں اداکار کو شادی کی انگوٹھی کے بغیر دیکھا جاسکتا ہے جبکہ اس سے قبل اداکار ہمیشہ مذکورہ انگوٹھی پہنے ہوئے نظر آتے تھے۔ سوشل میڈیا پر وائرل ہونے والی ان تصاویر کے کمنٹس میں تبصرہ کرتے ہوئے صارفین نے اپنے خیالات کا اظہار کیا، کچھ صارفین نے ان گردشی خبروں پر تشویش کا اظہار کیا جبکہ کچھ کے مطابق انگوٹھی نہ پہننے کی کوئی اور وجہ بھی ہوسکتی ہے۔ یاد رہے کہ 2007 میں ایشوریہ رائے اور ابھیشیک بچن شادی کے بندھن میں بندھ گئے تھے جبکہ 2011 میں ان کے یہاں بیٹی ارادھیا کی پیدائش ہوئی تھی۔