Homeپاکستانشاہ محمود، زین قریشی، حلیم عادل کو الیکشن لڑنے کی اجازت

شاہ محمود، زین قریشی، حلیم عادل کو الیکشن لڑنے کی اجازت

شاہ محمود قریشی۔ زین قریشی/ فائل فوٹو

شاہ محمود، زین قریشی، حلیم عادل کو الیکشن لڑنے کی اجازت

کراچی: (سنو نیوز) الیکشن ٹریبونل نے وائس چیئرمین پی ٹی آئی شاہ محمود قریشی، زین قریشی اور حلیم عادل شیخ کو الیکشن لڑنے کی اجازت دے دی۔

الیکشن ٹریبونل سے پی ٹی آئی کو بڑا ریلیف مل گیا۔ ٹریبونل نے ریٹرننگ افسر کے کاغزات مسترد کرنے کے فیصلے کو کالعدم قرار دیتے ہوئے پی ٹی آئی رہنماؤں شاہ محمود قریشی کے این اے 214 عمرکوٹ، زین قریشی کے این اے 214، حلیم عادل شیخ کے این اے 238، ارسلان خالد کے این اے 241 سے کاغذات نامزدگی منظور کرلئے۔

پیپلز پارٹی کے مرزا اختیار بیگ کو این اے 241 سے الیکشن لڑنے کی مشروط اجازت ملی گئی۔ جسٹس عدنان الکریم میمن نے کہا کہ اگر دہری شہریت ختم ہوچکی ہے تو بیان حلفی جمع کرائیں، اگر بیان حلفی غلط ثابت ہوا تو الیکشن جیتنے کے بعد کامیابی منسوخ ہوجائے گی۔

یہ بھی پڑھیں

مسلم لیگ (ن) نے بڑے سیاسی برج الٹا دیے

یاد رہے کاغذات نامزدگی منظور یا مسترد کیے جانے کے خلاف الیکشن ٹریبونلز میں دائر اپیلوں پر فیصلے 10 جنوری 2024 تک کیے جائیں گے۔

عام انتخابات میں حصہ لینے امیدواروں کی ابتدائی فہرست 11 جنوری کو آویزاں کی جائے گی اور امیدوار 12 جنوری تک کاغذات نامزدگی واپس لے سکتے ہیں۔ جس کے بعد امیدواروں کی حتمی فہرست جاری کی جائے گی۔

الیکشن میں حصہ لینے والے امیدواروں کو انتخابی نشانات 13 جنوری 2024 کو الاٹ کیے جائیں گے اور پولنگ آٹھ فروری 2024 کو ہوگی۔

سنیچر کو جب ملک بھر کے اضلاع میں ریٹرننگ افسران نے کاغذات نامزدگی کی سکروٹنی یا جانچ پڑتال کا عمل مکمل کرنے کے بعد امیدواروں کی فہرستیں جاری کیں تو بڑی تعداد میں سیاسی رہنماؤں کے کاغذات نامزدگی مسترد کیے گئے جن میں کئی نامی گرامی شخصیات شامل تھیں۔

Share With:
Rate This Article