27 February 2024

Homeتازہ ترینٹی ٹوئنٹی ورلڈ کپ کا شیڈول جاری

ٹی ٹوئنٹی ورلڈ کپ کا شیڈول جاری

T20 World Cup 2024 schedule

ٹی ٹوئنٹی ورلڈ کپ کا شیڈول جاری

دبئی: (سنو نیوز) انٹرنیشنل کرکٹ کونسل (آئی سی سی) نے رواں سال یکم جون سے 29 جون 2024ء تک ویسٹ انڈیز اور امریکا میں ہونے والے ٹی ٹوئنٹی ورلڈ کپ کا شیڈول جاری کر دیا ہے۔

ٓآئی سی سی کی جانب سے جاری شیڈول کے مطابق بھارت اور پاکستان کی ٹیمیں لیگ میچز کے دوران 9 جون کو نیویارک میں آمنے سامنے ہوں گی۔ تاہم اس ٹورنامنٹ میں ہندوستان کا سفر 5 جون کو نیویارک سے شروع ہوگا۔

ہندوستان کے تمام لیگ میچ امریکا میں کھیلے جائیں گے۔ ان میں سے تین میچ نیویارک اور ایک میچ فلوریڈا میں کھیلا جائے گا۔ لیگ میچوں میں بھارت کا مقابلہ 12 جون کو نیویارک میں اور 15 جون کو فلوریڈا میں کینیڈا سے ہوگا۔

یہ بھی پڑھیں:

کیپ ٹاؤن ٹیسٹ میں کھیل 2 دن بھی نہ چل سکا، انڈیا جیت گیا

اس ٹورنامنٹ میں یکم سے 18 جون تک مرحلے کے میچز کھیلے جائیں گے اور سپر ایٹ مرحلے کے میچز 19 سے 24 جون کے درمیان کھیلے جائیں گے۔ ٹورنامنٹ کا فائنل 29 جون کو بارباڈوس میں کھیلا جائے گا۔ پہلا سیمی فائنل 26 جون کو گیانا میں اور دوسرا سیمی فائنل 27 جون کو ٹرینیڈاڈ میں کھیلا جائے گا۔

آئی سی سی کے جاری کردہ اس پروگرام کے مطابق اس ٹورنامنٹ میں حصہ لینے والی کل 20 ٹیموں کو چار گروپس میں تقسیم کیا گیا ہے۔ چار گروپس میں 20 ٹیمیں ہوں گی۔

بھارت اور پاکستان کو تین دیگر ٹیموں کے ساتھ گروپ ‘اے’ میں رکھا گیا ہے۔ اس گروپ میں آئرلینڈ، میزبان امریکا اور کینیڈا کی ٹیمیں بھی شامل ہیں۔

گروپ بی میں انگلینڈ اور آسٹریلیا کے ساتھ نمیبیا، سکاٹ لینڈ اور عمان کو رکھا گیا ہے۔ گروپ ‘سی’ میں نیوزی لینڈ، میزبان ویسٹ انڈیز، افغانستان، یوگنڈا اور پاپوا نیو گنی کی ٹیمیں شامل ہیں۔

گروپ ‘ڈی’ میں جنوبی افریقا، سری لنکا، بنگلا دیش، نیدرلینڈ اور نیپال کو رکھا گیا ہے۔ خیال رہے کہ انگلینڈ اکتوبر-نومبر 2022 ء میں آسٹریلیا میں ہونے والے T-20 ورلڈ کپ میں پاکستان کو شکست دے کر چیمپئن بن گیا تھا۔

Share With:
Rate This Article