سویڈن :(سنونیوز)کورونا وائرس کی ویکسین تیار کرنے والی ٹیکنالوجی ایجاد کرنے والے دو سائنسدانوں کیٹالین کیریکو اور ڈریو ویس مین نے مشترکہ طور پر نوبیل پرائز اپنے نام کرلیا ہے۔

تفصیلات کے مطابق کیرولنسکا انسٹی ٹیوٹ کی جانب سے جاری کردہ دستاویزات کے مطابق کورونا وائرس سے دنیا کو بچانے والی ویکسین ٹیکنالوجی کو ایجاد کرنے والے دونوں سائنسدانوں کو مشترکہ طور پر نوبیل پرائز دئیے جانے کا اعلان کیا گیا ہے۔

کیرولنسکا انسٹی ٹیوٹ کی جانب سے ابھی تک صرف میڈیسن کےشعبے میں نوبیل پرائزکااعلان کیا گیا ہے۔دیگر شعبوں میں نوبیل پرائز حاصل کرنے والوں کے نام ابھی تک سامنے نہیں آسکے ہیں۔

کیریکو اور ویس مین کا تعلق بالترتیب ہنگری اور امریکا سے ہے،دونوں سائنسدان یونیورسٹی آف پنسلوینیا میں ایک دوسرے کے کلاس فیلو رہے جہاں انہوں نے متعد د ریسرچز میں کئی ایوارڈ اپنے نام کیے جن میں قابل ذکر 2021 کا لیسکرز ایوراڈ ہے۔

کیریکو اور ویس مین کی ایجاد کردہ ایم این آر اے ٹیکنالوجی کااستعمال اس وقت دنیا بھر میں کیا جارہاہے،اس ٹیکنالوجی کی مدد سے نہ صر ف کورونا وائر س بلکہ کینسر،انفلوئنزا اور امراض قلب کی ویکیسن بھی تیار کی جارہی ہے۔

BREAKING NEWS The 2023 #NobelPrize in Physiology or Medicine has been awarded to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19. pic.twitter.com/Y62uJDlNMj

— The Nobel Prize (@NobelPrize) October 2, 2023

نوبیل پرائز کے لیے نامزد جوڑی کو سویڈن کے دارلحکومت اسٹاک ہوم میں ہونے والی پروقار تقریب میں سویڈن کے بادشاہ کنگ کارل گستاف کی جانب سے 10دسمبر کو نوبیل پرائز سے نوازا جائے گا،10 دسمبر ایلفرڈ نوبل کی برسی کا دن ہے جن کے نام پراس پرائز کا اجراء کیا جاتا ہے۔نوبیل انعام میں سرٹیفکیٹ،گولڈ میڈل اور 1 ملین ڈالر کی رقم شامل ہوتی ہے۔