غیر ملکی میڈیا کے مطابق طیارے میں تکنیکی خرابی تھی، تکنیکی خرابی کے باوجود طیارہ اڑایا گیا۔

رپورٹس کے مطابق دبئی ایئر شو میں مظاہرے کے دوران بھارتی تیجس لڑاکا طیارہ جمعہ کی سہ پہر مقامی وقت کے مطابق دوپہر 2 بج کر 10 منٹ پر گر کر تباہ ہو ا۔
طیارہ ایک بڑے ہجوم کے سامنے فضائی نمائش کرتے ہوئے گر گیا۔

LCA Tejas crashed during the Dubai Airshow.
No Pilot ejection spotted.
More details awaited. pic.twitter.com/2VKxmTzvEH

— Netram Defence Review (@NetramDefence) November 21, 2025

دوسری طرف دبئی ایئر شو میں بھارتی سٹال کے باہر ہنگامی سکیورٹی بڑھا دی گئی جبکہ مظاہرے کے دوران طیارہ کریش ہونے پر مظاہرہ دیکھنے کے لیے آئی شخصیات کو واپس نمائش ہال میں بھجوا دیا گیا ہے۔

HAL LCA Tejas has crashed at the Dubai Air Show 2025 🚨

Developing Story 🚨 pic.twitter.com/Yn1R1c9zGm

— Pakistan Strategic Forum (@ForumStrategic) November 21, 2025

انڈین ایئرفورس نے دبئی میں ائیر شو کے دوران انڈیا کا جنگی طیارہ تیجس کے گرنے کے باعث پائلٹ کی ہلاکت کی تصدیق کر دی ہے۔
انڈین ایئر فورس کے مطابق انہیں اس جانی نقصان پرشدید افسوس ہے اور وہ غم کی اس گھڑی میں سوگوار خاندان کے ساتھ مضبوطی سے کھڑے ہیں۔
بھارتی فضائیہ کے مطابق حادثے کی وجوہات جاننے کے لیے کورٹ آف انکوائری تشکیل دی جا رہی ہے۔
خیال رہے کہ تیجس انڈیا کا پہلا مکمل طور پر دیسی ساختہ لڑاکا طیارہ ہے جو سنگل انجن ہے اور جس میں لگائے گئے پچاس فیصد سے زیادہ حصے انڈیا میں تیار کیے جاتے ہیں۔