میڈیا رپورٹ کے مطابق سعودی عرب نے نئی سفری ہدایت میں گردن توڑ بخار سمیت دیگر ویکسین لازمی قرار دی ہیں جبکہ ایک سال اور اس سے کم عمر بچوں کو ویکسین سے استثنیٰ ہوگا۔ سعودی سول ایوی ایشن نے دنیا بھر کی تمام ایئر لائنز کو اس حوالے سے آگاہ کر دیا۔

سعودی سول ایوی ایشن ترجمان کا کہنا ہے کہ صحت سے متعلق نئی ہدایات پر سختی سے عملدرآمد کرنا ہوگا، مسافروں کے پاس آمد سے دس دن قبل جاری کردہ ویکسینیشن سرٹفکیٹ لازمی ہونا چاہیے، پولی سیکرائیڈ کی قسم کے لیے تین سال سے زیادہ پرانا سرٹیفکیٹ نہیں ہونا چاہیے، کنجوگیٹڈ قسم کے لیے پانچ سال سے زیادہ پرانا ویکسینیشن سرٹیفکیٹ نہیں ہونا چاہیے۔

یاد رہے سعودی ایوی ایشن کے احکامات کی خلاف ورزی کرنے والی ایرلائنز اور مسافروں کے خلاف قوانین کے تحت کارروائی ہوگی۔