اولمپیئن ارشد ندیم کیلئے ہلال امتیاز کا اعزاز
August, 30 2024
اسلام آباد:(ویب ڈیسک)صدر مملکت ڈاکٹر عارف علوی نے پیرس اولمپکس میں شاندار کارکردگی دکھانے والے اولمپیئن ارشد ندیم کو ہلال امتیاز سے نوازا ہے۔
یہ اعزاز ارشد ندیم کو ایوان صدر میں منعقدہ ایک پروقار تقریب میں عطا کیا گیا۔
ارشد ندیم نے پیرس اولمپکس میں اپنی شاندار کارکردگی سے ملک کا نام روشن کیا، جس پر حکومت پاکستان نے ان کی کامیابی کو سراہتے ہوئے انہیں اعلیٰ ترین سول اعزاز، ہلال امتیاز سے نوازا۔
قبل ازیں 13 اگست کو اسلام آباد میں وزیراعظم ہاؤس میں ارشد ندیم کے اعزاز میں ایک استقبالیہ تقریب کا انعقاد کیا گیا تھا۔
اس میں وزیراعظم شہباز شریف نے ارشد ندیم کے لیے 15 کروڑ روپے اور ان کے کوچ کے لیے ایک کروڑ روپے کے انعام کا اعلان کیا تھا۔
وزیراعظم نے اس موقع پر ارشد ندیم کی خدمات کو سراہتے ہوئے انہیں ہلال امتیاز دینے کا اعلان بھی کیا تھا۔
