دونوں کرکٹرز کی بیک وقت ریٹائرمنٹ کے حوالے سے شعیب اختر نے یہ کہا کہ کہ بھارتی کرکٹ بورڈ میں یہ اطلاعات گردش کررہی تھیں کہ گوتم گمبھیر کے ٹیم انتظامیہ میںبطور ہیڈکوچ آنے کے بعد بھارتی ٹیم سے سینئر کھلاڑیوں کوڈراپ کیا جائے گا،جو میرے خیال میں بلاشبہ بیوقوف فیصلہ ہوگا۔

 

راولپنڈی ایکسپریس نے دونوں کھلاڑیوںکو شاندارکیرئیر پر خراج تحسین پیش کرتے ہوئے کہا کہ روہت شرما اور ویرات کوہلی نے ٹی ٹوئنٹی کرکٹ سے بلاشبہ ایک اچھے دور میں ریٹائرمنٹ لینے کا فیصلہ کیا،

 

شعیب اختر نے کہا کہ روہت شرما اور ویرات کوہلی اتنے شاندار کھلاڑی ہیں کہ آپ کو انہیں نمبر ون کپتان اور نمبر ون بیٹر تسلیم کرنا پڑے گا۔

 

شعیب اختر کی گوتم گمبھیر کے حوالے سے ذکر اور سینئر کھلاڑیوں کو فارغ کرنے کی اطلاعات سے کرنے سے صارفین کی بڑی تعداد یہ خیال کر رہی ہے کہ دونوں بھارتی کھلاڑیوں نے مستقبل میں ٹیم سے اپنے ممکنہ اخراج کے باعث یہ فیصلہ کیا ہے۔

 

واضح رہے امریکا اور ویسٹ انڈیز کی مشترکہ میزبانی میں کھیلے گئے آئی سی سی ٹی 20 ورلڈ کپ میں بھارت کو دوسری بار چیمپئن بنانے کے فوری بعد بھارتی کپتان روہت شرما اور سینئر بلے باز ویرات کوہلی نے اس فارمیٹ سے ریٹائرمنٹ کا اعلان کیاتھا۔

 

ویرا ت کوہلی نے کہا تھا کہ اب نوجوان کرکٹرز کے آگے آنے اور اس فارمیٹ میں اپنی جگہ بنانے کا موقع ہے،روہت شرما اور ویرات کوہلی کے ساتھ ساتھ رویندر جڈیجا بھی ٹی ٹوینٹی سے ریٹائرمنٹ کا اعلان کرچکے ہیں۔