تفصیلات کے مطابق نجی نیوز چینل کے پروگرام میں بات چیت کرتے ہوئے اخونزادہ حسین نے کہا کہ ملک کو بحران سے نکالنے کیلئے نئے میثاق کی ضرورت ہے، محمود خان اچکزئی نے کہا تھا ہمارے مذاکرات کا مرکز اڈیالہ جیل ہوگا اور وہیں سے رہنمائی لی جائے گی۔
اخونزادہ حسین کا کہنا تھا کہ ہم نے تمام سیاسی قیدیوں کی رہائی کی بات کی ہے، اپوزیشن مذاکرات کیلئے پہل نہیں کرتی، حکومت پہل کرتی ہے، ہم نے حکومت کے مذاکرات کی پیشکش کا جواب دے دیا ہے۔
انہوں نے کہا کہ مولانا فضل الرحمان ہمارے لیے قابلِ احترام ہیں، انہیں قومی کانفرنس میں مدعو کیا تھا، انہوں نے کراچی میں مصروفیت کے باعث شرکت کرنے سے معذرت کی تھی۔
یہ بھی پڑھیں:قاضی انور ایڈووکیٹ نے علیمہ خان سے معافی مانگ لی
اخونزادہ حسین نے مزید کہا کہ تحریک تحفظ آئین اور مولانا فضل الرحمان کے بیانیے میں بہت حد تک یکسانیت ہے۔
انہوں نے مزید کہا کہ فواد چوہدری کی نیشنل ڈائیلاگ کمیٹی سے ہمارا کوئی لینا دینا نہیں، نہ ہم اہمیت دیتے ہیں، پتہ نہیں وہ کس ایجنڈے پر کام کر رہے ہیں اور کس کے کہنے پر کام کر رہے ہیں ہم بالکل بھی نہیں جانتے۔
