پاکستان میں برطانوی ہائی کمشنر جین میریٹ نے سماجی رابطوں کی ویب سائٹ ایکس (سابقہ ٹویٹر) پر جاری ایک پیغام میں کہا کہ پاکستانیوں کیلئے یوکے شیوننگ اسکالرشپس کی درخواستیں آج سےکھل گئی ہیں، پاکستان سمیت دنیا بھر کے نوجوان پروفیشنلز یوکے شیوننگ اسکالر شپس کے لیے آج سے درخواستیں جمع کراسکیں گے۔
انہوں نے بتایا کہ اسکالرشپ کم ازکم 2 سال کا تجربہ رکھنے والے مڈکریئر پروفیشنلز کے لیے ہے، اسکالرشپ میں ٹیوشن فیس، پروازیں، ویزا، رہائش اور روزمرہ اخراجات کا الاؤنس شامل ہے۔
برطانوی ہائی کمشنر کا کہنا تھا کہ شیوننگ پاکستان کے شاندار مستقبل کے لیڈرز کے لیے لانچ پیڈ ہے ، درخواستیں 5 اگست سے 7 اکتوبر 2025 تک جمع کرائی جاسکتی ہیں۔
Ready to change your life with a fully-funded Master’s degree in the UK? Chevening applications are live!
— Jane Marriott (@JaneMarriottUK) August 5, 2025
Apply from 5 August to 7 October at https://t.co/cgGvrPBVcz pic.twitter.com/EmZsMjbmuZ
جین میریٹ نے کہا کہ شیوننگ اسکالرشپ برطانیہ کی حکومت کا ایک بین الاقوامی پروگرام ہے جو دنیا بھر کے باصلاحیت اور ابھرتے ہوئے نوجوان پروفیشنلز کو برطانیہ میں مکمل فنڈڈ ماسٹرز ڈگری حاصل کرنےکا موقع فراہم کرتا ہے۔
ان کا مزید کہنا تھا کہ یہ اسکالرشپ برطانوی دفتر خارجہ، دولت مشترکہ اور اس کے دیگر شراکت دار اداروں کے ذریعے مالی اعانت فراہم کرتی ہے۔
